“Ko e Hā ʻa e Meʻa ʻOkú Ke Fakakaukau Ki Aí?” Kaumeʻá, Mē, 2024, 38.
Ko e Hā ʻa e Meʻa ʻOkú Ke Fakakaukau Ki Aí?
Te u ʻiloʻi fēfē pe ko e Laumālie Māʻoniʻoní pe ko au pē ia?
—Ueʻi Fakalaumālie ʻi Pālesi
Siʻi Ueʻi Fakalaumālie,
Mahalo ʻe tataki lahi ange koe ʻe he Laumālie Māʻoniʻoní ʻi he meʻa ʻokú ke fakakaukau ki aí. Kapau kuo papitaiso mo hilifakinima koe pea ʻokú ke fai ho lelei tahá ke tauhi e ngaahi fekaú, ʻe “ʻiate [koe] maʻu ai pē ʻa hono Laumālié” (Tokāteline mo e Ngaahi Fuaka 20:77). Ka te ke lava fēfē ʻo ʻiloʻí?
ʻOku tataki kitautolu ʻe he Laumālie Māʻoniʻoní “ke failelei” (Tokāteline mo e Ngaahi Fuakava 11:12) mo tokoni ke tau “ʻiloʻi hono moʻoni ʻo e ngaahi meʻa kotoa pē” (Molonai 10:5). Kapau ʻoku ʻi ai haʻo fakakaukau ke fai ha meʻa lelei pe ongoʻi ʻofa ki he Fakamoʻuí, mahalo pē ʻoku mei he Laumālie Māʻoniʻoní ia!
Ko e taimi lahi, ʻoku ʻikai fakaʻaongaʻi ʻe he Laumālie Māʻoniʻoní ha leʻo longoaʻa pe ʻoatu ha ongo mālohi moʻoni. ʻOku fakalongolongo mo nonga ia. ʻE lava ke toutou akoako ʻa hono ako ke muimui ki he Laumālie Māʻoniʻoní.
Te ke lava ʻo fai ʻeni!
Ko e Kaumeʻá
ʻOku fakamaama ʻe he ngaahi fakakaukau mo e ongo mei he Laumālie Māʻoniʻoní hotau hala foki ki he Tamai Hēvaní. Valivali ʻa e foʻi ʻuhila takitaha ʻi hoʻo lau ha ngaahi founga ʻe lava ke tokoniʻi ai koe ʻe he Laumālie Māʻoniʻoní.
ʻE lava ʻe he Laumālie Māʻoniʻoní ʻo …
-
fakafonu ʻaki au ʻa e ʻofá, fiefiá, melinó, tuí, mo e ʻamanaki leleí.
-
ʻomi ha ngaahi fakakaukau ke tokoni mo ngāue tokoni.
-
tokoniʻi au ke u manatuʻi ʻa e ngaahi meʻa leleí.
-
tokoniʻi au ke u ʻiloʻi ʻa e meʻa ʻoku moʻoní.
-
tokoniʻi au ke mahino ʻa e meʻa ʻoku ou akó.