Ngaahi Tefitoʻi Meʻa Mahuʻinga ʻo e Ongoongoleleí

Ko e Hā ʻa e Papitaisó mo e Hilifakinimá?

‘Ū tā fakatātā ʻa Apryl Stott

Naʻe papitaiso ʻa Sīsū Kalaisi. Hili ʻa e hoko ho taʻu valú, ʻe lava foki ke papitaiso mo koe!

ʻI hono papitaiso koé, ʻe fakauku kotoa ho sinó ʻi he vaí. ʻOku fakamanatu mai ʻe he meʻá ni ʻe lava ke toʻo atu ʻa e ngaahi angahalá mo e ngaahi fili halá koeʻuhí ko Sīsū Kalaisi.

ʻOkú ke palōmesi ki he Tamai Hēvaní te ke fai ho lelei tahá ke muimui ki Heʻene ngaahi fekaú.

Hili ʻa e papitaisó ʻe fai leva ʻa e hilifakinimá. Ko e taimi ʻeni ʻokú ke maʻu ai ʻa e meʻafoaki ʻo e Laumālie Māʻoniʻoní. ʻOku ʻuhinga ʻeni ʻe lava ke nofoʻia maʻu pē koe ʻe he Laumālie Māʻoniʻoní! Te Ne lava ʻo tokoniʻi koe ke ke muimui ki he sīpinga ʻa Sīsuú.