“Siʻi Ngaahi Mātuʻa,” Kaumeʻá, Mē 2024, takafi ʻi muí.
Siʻi Ngaahi Mātuʻa,
Ko e sākalamēnití ko ha meʻaʻofa ia mei he Fakamoʻuí ke tokoni ke tau manatuʻi mo muimui kiate Ia ʻi he uike takitaha. Te ke lava ʻo lau ʻa e “Toe Maʻá” (peesi 18) ke tokoniʻi hoʻo fānau lalahi angé ke nau fakakaukau ki he founga ʻoku tokoniʻi ai kitautolu ʻe he sākalamēnití ke tau tauhi ʻetau ngaahi fuakavá. Lau mo e fānau iiki angé ʻa e “Te u Lava ʻo Muimui ʻia Sīsū ʻaki Hono Maʻu ʻo e Sākalamēnití” (peesi 44). Talanoa fekauʻaki mo e meʻa ʻoku tau fai lolotonga ʻa e konga takitaha ʻo e sākalamēnití. Te ke lava foki ʻo lau fakataha mo hoʻo fānaú e ngaahi lotu ʻo e sākalamēnití. ʻAi ke nau puke hake ha fakatātā ʻo Sīsū Kalaisi ʻi he taimi kotoa pē ʻoku nau fanongo ai ki Hono huafá. ʻE tokoni ʻeni ke nau fakakaukau kiate Ia lolotonga ʻa e sākalamēnití.
ʻOfa atu,
Ko e Kaumeʻá