«Ապաշխարությունը ուրախալի գործընթաց է» Ընկեր, Սեպտեմբեր 2024, 2–3։
Առաջին Նախագահությունից
Ապաշխարությունը ուրախալի գործընթաց է
Վերցված է «Ապաշխարությամբ մաքրագործված» ելույթից, Լիահոնա, մայիս 2019, 91-94։
Ապաշխարությունը ուրախալի գործընթաց է։ Դա Աստծո ծրագրի կարևոր մասն է։ Մենք բոլորս կարիք ունենք ապաշխարելու։
Ապաշխարելու համար մենք պետք է նախ հավատանք Հիսուս Քրիստոսին։ Մենք պետք է թողնենք մեր մեղքերը և խոստովանենք դրանք։ Դա նշանակում է ընդունել, որ սխալ ենք արել, ներողություն խնդրել նրանցից, ում ցավ ենք պատճառել և ավելի լավ ընտրություն կատարել։ Յուրաքանչյուր Հանգստյան օր մենք պետք է նաև ճաշակենք հաղորդությունը։
Երբ ապաշխարենք, մենք մաքուր կլինենք։ Տերը խոստացել է՝ «այլևս չեմ հիշում դրանք» (Վարդապետություն և Ուխտեր 58․42)։ Ինչպիսի խոստում: Ինչպիսի հրաշք: Ինչպիսի օրհնություն:
Մեր սիրառատ Փրկիչն Իր բազուկների մեջ է առնում բոլոր նրանց, ովքեր ապաշխարում և հետևում են Իրեն։
Կրկին մաքուր
Կատարեք այս վարժությունը, որը կօգնի ձեզ սովորել ապաշխարության մասին։
-
Թափանցիկ տարան լցրեք ջրով։ Այնուհետև մի քանի ցեխոտ քար գցեք ջրի մեջ։ Դրանք ներկայացնում են մեր սխալ ընտրությունները։
-
Կրկին մաքուր դառնալու համար մենք պետք է դադարենք անել այն, ինչ սխալ է։ Սա ներկայացնելու համար տարայից հանեք քարերը։ Ինչպիսի՞ն է ջուրն այժմ։ Այն դեռ կեղտո՞տ է։
-
Լիովին ապաշխարելու համար մենք Հիսուս Քրիստոսի կարիքն ունենք։ Մենք պետք է հավատք ունենանք Նրա և Նրա Քավության հանդեպ։ Ջրի տարան դրեք ծորակի տակ։ Թող մաքուր ջուրը լցվի տարայի մեջ, մինչև ամբողջ կեղտոտ ջուրը դուրս կթափվի։ Սա ներկայացնում է Հիսուս Քրիստոսի զորությունը՝ օգնելու մեզ դառնալ մաքուր։