Եկ, հետևիր ինձ. միջոցառումներ

Ընտանեկան երեկոյի համար, սուրբ գրությունների ուսումնասիրության համար, կամ պարզապես զվարճանալու համար։

Օգոստոսի 26-ից սեպտեմբերի 1-ը

Ամուր հիմքեր

Հելաման 1–6

A bird feeder on a rock and knocked down.

Հելամանը ուսուցանեց իր որդիներին կառուցել իրենց կյանքը Հիսուս Քրիստոսի ամուր հիմքի վրա (տես Հելաման 5.12)։ Հիմքն այն է, ինչի վրա ինչ-որ բան է կառուցվում։ Հզոր հիմքն ամուր է դարձնում ամբողջ շենքը՝ նույնիսկ փոթորիկների ժամանակ։ Կառուցեք երկու աշտարակ՝ մեկը ամուր հիմքի վրա, մյուսը թույլ հիմքի վրա։ Ո՞ր աշտարակը կլինի ավելի կայուն։ Ինչպե՞ս կարող ենք կառուցել մեր կյանքը Հիսուս Քրիստոսի վրա։

Կրտսեր խմբի երեխաների համար. Օգնեք ձեր փոքրիկներին գտնել մի բան, որն իրենց կարծիքով իսկապես ամուր է։ Ի՞նչ գտան նրանք։ Սովորեցրեք, որ մենք կարող ենք ամուր լինել Հիսուս Քրիստոսի հետ։

Սեպտեմբերի 2-8-ը

Վկայություն Քրիստոսի մասին

Հելաման 7–12

A girl reads something to a boy sitting on a couch.

Սուրբ գրություններում շատ մարդիկ ուսուցանել և վկայել են Հիսուս Քրիստոսի մասին (տես Հելաման 8․16-20)։ Դուք նույնպես կարող եք սկսել կառուցել ձեր վկայությունը Նրա մասին։ Վկայությունը մի բան է, որին դուք հավատում եք կամ գիտեք, որ ճշմարիտ է Երկնային Հոր և Հիսուս Քրիստոսի մասին։ Գրեք ձեր վկայությունը և դրանով ձեր ընտանիքի կամ ընկերների հետ կիսվելու փորձառություն ձեռք բերեք։

Կրտսեր խմբի երեխաների համար. Հարցրեք ձեր փոքրիկներին, թե Հիսուս Քրիստոսի հատկանիշներից որոնք են նրանք սիրում։ Ապա կիսվեք նրանց հետ Փրկչի մասին ձեր վկայությամբ։

Սեպտեմբերի 9-15-ը

Սամուելը բարձրանում է պատի վրա

Հելաման 13–16

A boy and a girl cutting out and creating crafts.

Սամուել մարգարեն բարձրացավ պատի վրա, որպեսզի մարդկանց սովորեցնի Հիսուս Քրիստոսի մասին (տես Հելաման 13․4)։ Բացեք 12-րդ էջը և պատրաստեք այս ձեռագործը, որը կօգնի ձեզ պատմել Սամուելի պատմությունը։

Կրտսեր խմբի երեխաների համար. Օգնեք ձեր փոքրիկներին կանգնել աթոռի վրա և կիսվել, թե ինչ գիտեն Հիսուս Քրիստոսի մասին, ճիշտ այնպես, ինչպես Սամուելը։

Սեպտեմբերի 16-22-ը

Հավաքման խաղ

3 Նեփի 1-7

Children playing a game, one of them has a hand raised.

Հիսուս Քրիստոսը խոստացավ, որ կհավաքի Իր բոլոր զավակներին, որովհետև Նա սիրում է բոլորին և ցանկանում է, որ նրանք ունենան ավետարանը (տես 3 Նեփի 5․24)։ Խաղացեք որևէ խաղ հավաքման մասին։ Թող երեխաները շրջան կազմեն։ Մեջտեղում գտնվողը իր մասին որևէ փաստ է ասում, օրինակ՝ իր սիրած գույնը։ Եթե այդ փաստը ճիշտ է ուրիշների համար, ապա նրանք էլ են մոտենում կենտրոնին։ Շարունակեք, մինչև բոլորը հավաքվեն մեջտեղում։

Կրտսեր խմբի երեխաների համար․ Պահմտոցի խաղացեք ձեր փոքրիկների հետ։ Երբ գտնեք նրանց, ամուր գրկեք։ Քննարկեք Հիսուս Քրիստոսի խոստումը, որ կհավաքի մեզ, անկախ նրանից, թե որտեղ ենք մենք։

Սեպտեմբերի 23-29-ը

Հիսուսը լույսն է

3 Նեփի 8-11

A boy drawing at a table.

Հիսուս Քրիստոսն է «լույսը և կյանքն աշխարհի» (3 Նեփի 9․18)։ Դիտեք արևածագը կամ մայրամուտը ձեր ընտանիքի հետ։ Այնուհետև նկարեք ձեր տեսածը։ Մինչ նկարում եք, խոսեք այն պատճառների մասին, թե ինչու եք սիրում Հիսուս Քրիստոսին, և ինչպես է Նա լույս տալիս ձեզ։

Կրտսեր խմբի երեխաների համար․ Դուրս եկեք բակ և նայեք տարբեր լուսատուների, ինչպիսիք են՝ արևը, աստղերը կամ լուսինը։ Խնդրեք երեխաներին կիսվել, թե լույսը նրանց ինչ զգացողություններ է տալիս։ Խոսեք այն մասին, թե ինչպես է Հիսուս Քրիստոսը լույս հանդիսանում մեզ համար։

PDF

Նկարները՝ Քեթի Դոքրիլի