“Welcome nga Mensahe,” Alang sa Kalig-on sa mga Kabatan-onan, Mayo 2021.
Sabado sa Buntag nga Sesyon
Welcome nga Mensahe
Mga Kinutlo
Akong pinangga nga kaigsoonan ug mga higala sa tibuok kalibotan, motanyag ko sa akong personal nga paghangop dinhi niini nga kinatibuk-ang komperensiya. …
Kining miaging tuig nahimong usa ka talagsaon ug dili kasarangan. Walay pagduhaduha nga ang matag usa kanato nakakat-on og mga butang nga wala nato mahibaloi kaniadto. Pipila ka leksyon nga akong nahibaloan sa una nasulat sa akong kasingkasing sa bag-o ug mapahimangnoon nga mga paagi.
Sama pananglit, ako nahibalo nga may kasiguroan nga ang Ginoo naggiya sa mga kalihokan sa Iyang Simbahan. …
Ako usab mas nakasabot na karon kon unsa ang Iyang gipasabot sa dihang Siya miingon, “Tan-awa, Ako modali sa akong buluhaton diha sa iyang angay nga panahon” [Doktrina ug mga Pakigsaad 88:73]. …
… Atol niining milabay nga tuig, daghan kaninyo ang dako kaayo og kalamboan sa pagtuon sa ebanghelyo sa inyong mga panimalay. Magpasalamat ako kaninyo, ug ang inyong mga anak magpasalamat kaninyo. …
Kabahin sa pagpundok sa Israel, ug usa ka importante kaayo nga bahin, mao ang sugo alang kanato isip usa ka katawhan nga mahimong takos ug andam sa pagtabang nga maandam ang kalibotan alang sa Ikaduhang Pag-anhi sa Ginoo.
Samtang kita maminaw sa mga mensahe nga mainampingong giandam sa atong mga lider ubos sa direksiyon sa Espiritu Santo, dapiton ko kamo sa pag-ampo nga makaila sa mga sagbot nga gikinahanglan ninyong tangtangon gikan sa inyong kinabuhi aron kamo mahimong mas takos.
… Welcome sa kinatibuk-ang komperensiya ug sa pribilihiyo nga makadungog sa tingog sa Ginoo.