“Dili Sama sa Hinatagan sa Kalibotan” Alang sa Kalig-on sa mga Kabatan-onan, Mayo 2021.
Sabado sa Hapon nga Sesyon
Dili Sama sa Hinatagan sa Kalibotan
Mga Kinutlo
Ang kapintas ug panagbangi mao ang labing tataw nga mga kinaiya sa mga relasyon sa kataposang mga adlaw. …
Mga kaigsoonan, sa tinuod nakita nato ang hilabihang panagbikil, kasuko, ug sagad nga kawalay pagtahod sa atong palibot. …
… Niining Pasko sa Pagkabanhaw maninguha kita sa pagpasiugda og kalinaw sa atong kaugalingong pamaagi, mogamit sa grasya ug sa makaayo nga haplas sa Pag-ula sa atong Ginoong Jesukristo ngadto sa atong kaugalingon ug niadtong atong matabangan sa atong palibot.
… Kita nagkinahanglan sa unsay gitawag sa mga kasulatan nga “ang mga gahum sa langit,” ug aron makakab-ot niini nga gahom kita kinahanglan gayud magpuyo sumala sa unsay gitawag nianang sama nga mga kasulatan nga “mga baruganan sa katarung” [Doktrina ug mga Pakigsaad 121:36]. …
… Ang mga baroganan sa pagkamatarong milakip sa ingon nga mga hiyas sama sa pagpail[o]b, pagkamainant[o]son, kalumo, ug tiunay nga gugma. Kon wala kana nga mga baroganan, mahitabo gayod nga kita sa kataposan makasinati og kawalay pagsinabtanay ug panag-away. …
… Ugma Pasko sa Pagkabanhaw, panahon alang sa matarong nga mga baroganan sa ebanghelyo ni Jesukristo ug sa Iyang Pag-ula aron sa “pagpalabay kanato”—pagpalabay sa panagbangi ug panagbingkil, ibabaw sa pagkawala sa paglaom ug kalapasan, ug sa kataposan ibabaw sa kamatayon. …
Bisan pa sa pagluib ug kasakit, bisan pa sa pagdagmal ug kawalay kalooy, ug pagpas-an sa natigom nga mga sala ug mga kasub-anan sa tawhanong pamilya, ang Anak sa Buhing Dios milantaw sa taas nga dalan sa mortalidad, mitan-aw kanato, ug miingon: “Kaninyo ibilin ko ang akong kalinaw, kaninyo ihatag ko ang akong kalinaw: dili sama sa hinatagan sa kalibotan ihatag ko kaninyo. Kinahanglan dili magkaguol ang inyong kasingkasing, ni magtalaw” [Juan 14:27]. Pagbaton kamo og mahimayaon, malipayon, malinawon nga Pasko sa Pagkabanhaw.