“Si Kristo Nabanhaw; Ang Hugot nga Pagtuo diha Kaniya Makabalhin og mga Bukid,” Alang sa Kalig-on sa mga Kabatan-onan, Mayo 2021.
Dominggo sa Buntag nga Sesyon
Si Kristo Nabanhaw; Ang Hugot nga Pagtuo diha Kaniya Makabalhin og mga Bukid
Mga Kinutlo
Ang hugot nga pagtuo kang Jesukristo mao ang pundasyon sa tanan nga tinuohan ug agianan sa balaang gahom. …
Ang tanan nga maayo sa kinabuhi—ang matag kalagmitan nga panalangin nga may mahangturong kahulogan—magsugod sa hugot nga pagtuo. Ang pagtugot nga ang Dios mopatigbabaw sa atong kinabuhi magsugod sa hugot nga pagtuo nga Siya andam nga mogiya kanato. …
Minahal kong kaigsoonan, ang akong panawagan kaninyo niining buntag sa Pasko sa Pagkabanhaw mao nga sugdi karon ang pagpalambo sa inyong hugot nga pagtuo. Pinaagi sa inyong hugot nga pagtuo, si Jesukristo mopalambo sa inyong abilidad sa pagbalhin sa mga bukid diha sa inyong kinabuhi. …
Ang inyong mga bukid tingali mga kasubo, pagduhaduha, sakit, o ubang personal nga mga problema. Ang inyong mga bukid managlahi, ug bisan pa ang tubag sa matag usa sa inyong mga hagit mao ang pagpalambo sa inyong hugot nga pagtuo. …
… Motanyag ko og lima ka sugyot nga makatabang kaninyo sa pagpalambo nianang hugot nga pagtuo ug pagsalig.
Una, magtuon. …
Ikaduha, pilia nga motuo kang Jesukristo. …
Ikatulo, lihok gamit ang hugot nga pagtuo. …
Ikaupat, moambit sa sagradong mga ordinansa sa takos nga paagi. …
Ug ikalima, pangayo sa inyong Langitnong Amahan og tabang, sa ngalan ni Jesukristo. …
Ang hugot nga pagtuo diha kang Jesukristo mao ang kinadak-ang gahom nga atong magamit niini nga kinabuhi. Ang tanan nga butang mahimo ngadto sa magatuo [tan-awa sa Marcos 9:23].
Ang inyong nagtubo nga hugot nga pagtuo Kaniya makabalhin og mga bukid—dili mga bukid nga bato nga pangpatahom sa yuta—apan mga bukid sa kasub-anan sa inyong kinabuhi. Ang inyong nagmalamboon nga hugot nga pagtuo makatabang kaninyo sa pagbalhin sa inyong mga hagit ngadto sa dili hitopngan nga kalamboan ug oportunidad.
Niini nga Dominggo sa Pagkabanhaw, uban sa halawom nako nga mga pagbati sa gugma ug pasalamat, ako modeklarar kaninyo sa akong pagsaksi nga si Jesukristo sa pagkatinuod nabanhaw. Siya nabanhaw sa pagpangulo sa Iyang Simbahan. Siya nabanhaw sa pagpanalangin sa kinabuhi sa tanan nga mga anak sa Dios, bisan asa sila nagpuyo. Uban sa hugot nga pagtuo diha Kaniya, kita makabalhin sa mga bukid sa atong kinabuhi.