“Makapungot nga Pagkadili Makiangayon,” Alang sa Kalig-on sa mga Kabatan-onan, Mayo 2021.
Sabado sa Hapon nga Sesyon
Makapungot nga Pagkadili Makiangayon
Mga Kinutlo
Ang pagkadili makiangayon daw dili mohaom sa reyalidad sa usa ka mabination, mahigugmaong Langitnong Amahan. Apan anaa gayod Siya, Siya mabination, ug Siya nahigugma sa matag usa sa Iyang mga anak sa hingpit. …
Ang uban nga pagkadili makiangayon dili mapasabot; ang dili ikapasabot nga pagkadili makiangayon makapungot. … Ang kinabuhi aduna gayoy pagkadili makiangayon. …
… Ako mopahayag uban sa nagbangotan nakong tibuok kasingkasing nga si Jesukristo makasabot sa pagkadili makiangayon ug adunay gahom sa paghatag og paagi nga mahimo kining mas makiangayon. … Siya nakasabot sa hingpit unsay atong gisinati. …
… Didto sa kahangtoran, ang Langitnong Amahan ug si Jesukristo mosulbad sa tanan nga pagkadili makiangayon. Atong masabtan nga kita gustong mahibalo unsaon kaha ug kanus-a kaha. Unsaon kaha Nila sa paghimo niana? Kanus-a kaha Sila mohimo niini? Sa akong nahibaloan, Sila wala motug-an unsaon kaha o kanus-a kaha. Ang akong nahibaloan mao nga Sila mohimo niini. …
Kita pweding mopugong lang una sa atong mga pangutana bahin sa kon unsaon kaha ug kanus-a kaha ug magtutok sa pagpalambo sa hugot nga pagtuo diha kang Jesukristo. …
Samtang kita mag-ugmad og hugot nga pagtuo kang Jesukristo, angay usab nga kita maningkamot sa pagkahimong sama Kaniya. Kita dayon moduol sa uban dala ang kamanggiloy-on ug maningkamot sa pagwagtang sa pagkadili makiangayon kon asa man nato kini hikaplagi. …
Ayaw itugot nga ang pagkadili makiangayon mopatig-a kaninyo o mopahuyang sa inyong hugot nga pagtuo sa Dios. Hinoon, pangayo og tabang sa Dios. Dugangi ang inyong pagpasalamat ug pagsalig sa Manluluwas. …
… Ang inyong hugot nga pagtuo diha sa Langitnong Amahan ug ni Jesukristo pagagantihan labaw kay sa inyong mahunahuna. Ang tanang pagkadili makiangayon—labi na ang makapungot nga pagkadili makiangayon—igapahinungod alang sa inyong kaayohan.