“Nganong Mahinungdanon ang Dalan sa Pakigsaad,” Alang sa Kalig-on sa mga Kabatan-onan, Mayo 2021.
Sesyon
Nganong Mahinungdanon ang Dalan sa Pakigsaad
Mga Kinutlo
Unsa ang dalan sa pakigsaad? Mao kana ang bugtong dalan nga modala kanato ngadto sa celestial nga gingharian sa Dios. Kita mosulod niana nga dalan diha sa ganghaan sa bunyag. …
Ang uban tingali moingon, “Makahimo ko og maayong mga pagpili bisan gibunyagan o wala, wala ko magkinahanglan og mga pakigsaad aron mahimong halangdon ug malamposon nga tawo.” … Nan, unsa man, ang kalainan sa dalan sa pakigsaad?
Sa tinuod, ang kalainan talagsaon ug mahangtoron og kahulogan. …
Ang una mao ang kalidad sa atong pagkamasulundon ngadto sa Dios. Labaw pa kay sa basta lang adunay maayong mga katuyoan, kita ligdong mipasalig sa pagpuyo sumala sa matag pulong nga migula gikan sa baba sa Dios. Niini nga paagi, kita nagsunod sa panig-ingnan ni Jesukristo. …
Ang ikaduhang talagsaong aspeto sa dalan sa pakigsaad mao ang atong relasyon ngadto sa Dios. Ang mga pakigsaad nga gitanyag sa Dios ngadto sa Iyang mga anak makahimo og labaw pa kay sa paggiya kanato. Kini mobugkos kanato ngadto Kaniya. …
Kini naggiya kanato sa paghunahuna sa ikatulo nga espesyal nga panalangin sa dalan sa pakigsaad. Ang Dios nag-andam og halos dili matugkad nga gasa aron motabang sa mga tighimo og pakigsaad nga mahimong mga tigtuman sa pakigsaad: ang gasa sa Espiritu Santo. …
Ikaupat, kadtong nagsunod sa dalan sa pakigsaad makakaplag usab og talagsaong mga panalangin diha sa nagkalainlaing sagradong nakatakda nga mga pagpundok [sama sa mga miting sa sakramento ug pagsimba didto sa templo]. …
Sa kataposan, diha lamang sa pagsubay sa dalan sa pakigsaad nga kita makapanunod sa mga panalangin ni Abraham, Isaac, ug ni Jacob, ang pinakataas nga mga panalangin sa kaluwasan ug kahimayaan nga ang Dios lang ang makahatag. …
Mopatalinghog kita sa tawag sa propeta sa pagpabilin diha sa dalan sa pakigsaad.