“Ang Dios taliwala Kanato,” Alang sa Kalig-on sa mga Kabatan-onan, Mayo 2021.
Dominggo sa Buntag nga Sesyon
Ang Dios taliwala Kanato
Mga Kinutlo
Kon kita mobati nga walay ayo, gisalikway, ug gikalimtan, atong makat-onan nga kita makalaom nga ang Dios wala makalimot kanato—gani, Siya mitanyag ngadto sa tanan Niyang mga anak og usa ka butang nga dili katuohan: ang mamahimong “manununod sa Dios, ug isig ka manununod uban ni Kristo” [Mga Taga-Roma 8:17]. …
Tungod ni Jesukristo, ang atong mga kapakyasan dili kinahanglan nga maoy modeterminar kanato. Kini makapahimo nato nga mas maayo. …
Kon kita maghinulsol, ang mga kasaypanan dili makapawala sa atong puwesto. Kini kabahin sa atong paglambo. …
Ako kanunay nga maghunahuna, Unsa man ang itudlo ug buhaton ni Jesus kon Siya ania taliwala kanato karon? …
Ang Manluluwas sa kanunay nagtudlo og walay kausaban nga mga kamatuoran. Kini magamit sa katawhan sa bisan unsang panahon ug sa bisan unsang kahimtang.
Ang Iyang mensahe kaniadto ug karon mao ang usa ka mensahe sa paglaom ug pagkahisakop—usa ka pagpamatuod nga ang Dios nga atong Langitnong Amahan wala mobiya sa Iyang mga anak.
Nga ang Dios ania taliwala kanato! …
Samtang kita magtinguha sa pagsunod ni Jesukristo ug maglakaw sa dalan sa pagkadisipulo, pagtulun-an human sa usa ka pagtulun-an, ang adlaw moabot nga kita makasinati nianang dili katuohan nga gasa sa pagdawat sa kahingpitan sa kalipay. …
Akong ipaabot kaninyo ang akong gugma ug panalangin niini nga malipayong panahon sa Pasko sa Pagkabanhaw. Ablihi ang inyong kasingkasing ngadto sa atong Manluluwas ug Manunubos, bisan unsa pa man ang inyong mga kahimtang, mga pagsulay, mga pag-antos, o mga sayop; kamo makahibalo nga Siya buhi, nga Siya nahigugma ninyo, ug nga tungod Kaniya, dili gayod kamo mag-inusara.
Ang Dios ania taliwala kanato.