“Gusto Ko nga Makita ang Templo,” Alang sa Kalig-on sa mga Kabatan-onan, Mayo 2021.
Sabado sa Buntag nga Sesyon
Gusto Ko nga Makita ang Templo
Mga Kinutlo
Durban South Africa Temple
Ako nasayod nga ang mga templo sa Ginoo balaan nga mga dapit. Ang akong katuyoan karon sa pakigpulong bahin sa mga templo mao ang pagpadako sa inyo ug akong tinguha nga mahimong takos ug andam sa dugang nga mga oportunidad alang sa mga kasinatian sa templo nga umaabot alang kanato. …
Kon ako o ikaw kinahanglang moadto sa templo nga kulang ang kaputli, dili nato makita, pinaagi sa gahom sa Espiritu Santo, ang espiritwal nga pagtulun-an bahin sa Manluluwas nga atong mahimong madawat sa templo.
Kon kita takos nga makadawat sa maong pagtulun-an, adunay molambo pinaagi sa atong kasinatian sa templo nga paglaom, hingpit nga kalipay, ug positibo nga panglantaw sa tibuok natong kinabuhi. Kana nga paglaom, hingpit nga kalipay ug positibo nga panglantaw anaa lamang pinaagi sa pagdawat sa mga ordinansa nga ipahigayon sa balaan nga mga templo. Diha kana sa templo nato madawat ang kasigurohan sa mahigugmaong mga koneksyon sa pamilya nga magpadayon human sa kamatayon ug molungtad sa kahangturan. …
… Ug kita nasayod nga ang atong mahangturong kalipay mag-agad sa atong paghimo sa labing maayo aron sa pagtanyag sa samang mahangturong kalipay ngadto sa labing daghan sa atong mga kaliwatan kutob sa atong mahimo.
Ako mibati sa samang tinguha nga molampos sa pagdapit sa buhi nga mga sakop sa pamilya nga magtinguha nga mahimong takos sa pagdawat ug sa pagtuman sa mga ordinansa sa pagsilyo sa templo. Kabahin kini sa gipanaad nga pagpundok sa Israel sa kataposang mga adlaw sa duha ka habig sa tabil.