“Pagdepensa sa Atong Balaanong Dinasig nga Konstitusyon,” Alang sa Kalig-on sa mga Kabatan-onan, May 2021.
Dominggo sa Hapon nga Sesyon
Pagdepensa sa Atong Balaanong Dinasig nga Konstitusyon
Mga Kinutlo
Niining panahon sa kasamok, mibati ko sa pagpamulong kabahin sa dinasig nga Konstitusyon sa Estados Unidos. Kining Konstitusyon adunay espesyal nga kaimportante sa atong mga miyembro sa Estados Unidos, apan kini mao usab ang gibasehan sa kadaghanan sa mga konstitusyon sa tibuok kalibotan. …
Ang atong gituohan diha sa balaanong inspirasyon nakahatag sa mga Santos sa Ulahing mga Adlaw og lahi nga responsibilidad sa pagtuman ug pagdepensa sa Konstitusyon sa Estados Unidos ug sa mga baroganan sa konstitusyonalismo bisan asa man kita nagpuyo. Kita kinahanglang mosalig sa Ginoo ug magmahimong positibo mahitungod sa kaugmaon niini nga nasod.
Unsa pa ang pagabuhaton sa mga Santos sa Ulahing mga Adlaw? Kita kinahanglan gayod mag-ampo aron ang Ginoo mogiya ug mopanalangin sa tanang nasod ug sa mga lider niini. Kabahin kini sa atong artikulo sa hugot nga pagtuo. Ang pagkaanaa ubos sa kamandoan sa mga presidente o magmamando siyempre dili makababag sa atong nagkasumpaki nga indibidwal nga mga balaod o mga polisiya. Nagpasabot kini nga kita kinahanglang mogamit sa atong impluwensya sa sibil ug sa malinawon nga paagi, pinasikad sa bayanan sa atong konstitusyon ug sa magamit nga mga balaod. Sa mga isyu nga gilantugian, kita kinahanglang magtinguha sa pagpataliwala ug paghiusa.
Adunay laing mga katungdanan nga kabahin sa pagpatuman sa dinasig nga Konstitusyon. Kita kinahanglang makat-on ug motuboy sa dinasig nga mga baroganan sa Konstitusyon. Kita kinahanglang magtinguha ug mosuporta sa maalamon ug maayong mga tawo kinsa mosuporta niadtong mga baroganan diha sa ilang pampubliko nga mga kalihokan (tan-awa sa Doktrina ug mga Pakigsaad 98:10). Kita kinahanglang magmakinaadmanon nga mga lungsoranon kinsa aktibo sa paghimo sa atong impluwensya nga mabati sa mga kalihokang pangsibiko.