“COVID-19 ug mga Templo,” Alang sa Kalig-on sa mga Kabatan-onan, Mayo 2021.
Dominggo sa Hapon nga Sesyon
COVID-19 ug mga Templo
Mga Kinutlo
Sa sayong bahin niini nga tuig, tungod sa COVID-19 nga pandemya ug sa atong tinguha nga mamahimong maayong mga lumulupyo sa tibuok kalibotan, kita mihimo sa lisod nga desisyon sa temporaryong pagsira sa tanang mga templo. Atol sa misunod nga mga bulan, kami mibati nga nadasig nga ablihan pag-usab ang mga templo sa anam-anam pinaagi sa mabinantayon kaayo nga pamaagi. Ang mga templo karon gipang-ablihan sa upat ka hugna, higpit nga nagsunod sa mga regulasyon ug kahilwasan nga mga protokol sa lokal nga gobyerno. …
Mapasalamaton kami alang sa inyong pailob ug mahalaron nga serbisyo atol niining nag-usab-usab ug mahagiton nga panahon. Ako nag-ampo nga ang inyong tinguha sa pagsimba ug pagserbisyo diha sa templo mas magmainiton pa karon kaysa kaniadto.
Kamo tingali naghunahuna kon kanus-a kamo makabalik sa templo. Ang tubag: Ang inyong templo pagaablihan kon ang mga regulasyon sa lokal nga gobyerno motugot niini. …
Mentras tanto, ibutang og una sa inyong mga hunahuna ug mga kasingkasing ang inyong mga pakigsaad ug ang mga panalangin sa templo. Pagpabiling matinud-anon sa mga pakigsaad nga inyong gihimo.
Kita magtukod karon alang sa umaabot! …
Gusto namong mas mapaduol ang balay sa Ginoo ngadto sa atong mga miyembro, nga sila unta makabaton sa sagrado nga pribilihiyo nga makatambong sa templo kanunay kutob sa itugot sa ilang mga kahimtang. …
Ang mga templo usa ka importante nga bahin sa Pagpahiuli sa ebanghelyo ni Jesukristo sa kahingpitan niini. Ang mga ordinansa sa templo mopuno sa atong kinabuhi sa gahom ug kalig-on nga wala sa ubang paagi. Magpasalamat kita sa Dios alang niana nga mga panalangin.