“Unsa ang Atong Nakat-onan ug Dili Gayod Makalimtan,” Alang sa Kalig-on sa mga Kabatan-onan, Mayo 2021.
Priesthood nga Sesyon
Unsa ang Atong Nakat-onan ug Dili Gayod Makalimtan
Mga Kinutlo
Ang kataposang higayon nga kita mipahigayon og pagkapari nga sesyon sa kinatibuk-ang komperensiya nahitabo niadtong Abril 2019. Daghan ang nahitabo sa milabay nga duha ka tuig! …
… Mosugyot ko og upat ka leksyon nga ako nanghinaot nga nakat-onan natong tanan ug dili gayod mahikalimtan.
Leksyon 1: Ang Panimalay Mao ang Sentro sa Hugot nga Pagtuo ug Pagsimba …
… Ang kasamtangang mga restriksiyon sa pagpundok sa kadugayan matapos ra. Hinoon, ang inyong pasalig sa paghimo sa inyong panimalay nga nag-unang santuwaryo sa hugot nga pagtuo kinahanglang dili gayod matapos. …
Leksyon 2: Kita Nagkinahanglan sa Usag Usa
… Kita makatuman og daghan kaayo kon magkahiusa kay sa mag-iyahay kita. Ang plano sa Dios bahin sa kalipay makawang kon ang Iyang mga anak magpabilin nga magkalagyo sa usag usa. …
Kon kamo adunay nailhang tawo kinsa nag-inusara, tabangi—bisan kon kamo mibati nga nag-inusara usab! …
Leksyon 3: Ang Inyong Korum sa Pagkapari Nagpasabot og Labaw pa Kay sa Miting Lang
… Ang mga miting gamay lang na nga tipik sa unsay ipasabot sa korum ug unsa ang mahimo niini.
… Ang mga korum anaa sa lahi nga posisyon aron mapaspasan ang pagpundok sa Israel sa duha ka habig sa tabil.
Leksyon 4: Mas Makadungog Kita ni Kristo Kon Kita Malinawon
… Ang kaguliyang sa kalibotan magpadayon sa pagsaka. Sukwahi niini, ang tingog sa Ginoo … “usa kini ka hagawhaw nga tingog nga hingpit sa kalumo, [sama sa] usa ka honghong, ug kini [mo]dulot bisan ngadto sa kinahiladman” [Helaman 5:30]. Aron makadungog niining hagawhaw nga tingog, kamo kinahanglan usab gayod nga malinawon! …
Akong minahal nga kaigsoonan, adunay daghang butang nga gusto sa Ginoo nga atong makat-onan gikan sa atong mga kasinatian atol niining pandemya. Naglista lamang ako og upat. Ako modapit kaninyo sa paghimo og inyong kaugalingong lista, hunahunaa kini og maayo, ug ipaambit kini niadtong inyong gimahal.