“Pōpoaki Fakafeʻiloakí,” Ki Hono Fakamālohia ʻo e Toʻu Tupú, Mē 2021.
Fakatahaʻanga ʻo e Pongipongi Tokonakí
Lea Fakafeʻiloakí
Ngaahi Konga Fakamatala
Siʻoku kāinga ʻofeina, mo e ngaahi kaungāmeʻa he funga ʻo e māmaní, ʻoku ou talitali lelei fakataautaha kimoutolu ki he konifelenisi lahí ni. …
Kuo fakahisitōlia ʻa e taʻu ko ʻeni ne toki ʻosí. ʻOku ʻikai ha veiveiua kuo tau ako ha ngaahi meʻa ne teʻeki ke tau ʻilo kimuʻa. Ko e ngaahi lēsoni ʻe niʻihi ne u ʻiloʻi kimuʻá kuo tohi tongi ia ʻi hoku lotó ʻi ha ngaahi founga foʻou mo ʻaonga.
Hangē ko ʻení, ʻoku ou ʻilo fakapapau ʻoku tataki ʻe he ʻEikí ʻa e ngaahi meʻa ʻo Hono Siasí. …
ʻOku mahino lelei ange foki he taimí ni kiate au ʻa ʻEne ʻuhingá ʻi Heʻene folofola, “Vakai, te u fakavavevaveʻi ʻa ʻeku ngāué ʻi hono taimí” [Tokāteline mo e Ngaahi Fuakava 88:73]. …
Lolotonga e taʻu ko ʻeni kuohilí, kuo fakatupulaki ʻe hamou tokolahi hono ako e ongoongoleleí ʻi homou ngaahi ʻapí. ʻOku ou fakamālō atu, pea ʻe fakamālōʻia kimoutolu ʻe hoʻomou fānaú. …
Ko e konga ko ia ʻo hono tānaki fakataha ʻo ʻIsilelí, pea ko ha konga mātuʻaki mahuʻinga, ʻa e fekau ko ia kiate kitautolu ko e kakai ke tau moʻui taau mo loto-fiemālie ke tokoni ke teuteuʻi e māmaní ki he Hāʻele ʻAnga Ua Mai ʻa e ʻEikí.
ʻI heʻetau fakafanongo ki he ngaahi pōpoaki kuo teuteuʻi fakalelei ʻe hotau kau takí ʻi he fakahinohino ʻa e Laumālie Māʻoniʻoní, ʻoku ou fakaafeʻi kimoutolu ke mou lotua ke ʻiloʻi ʻa e ngaahi meʻa ʻoku taʻeʻaonga ʻoku fie maʻu ke siʻaki mei hoʻomou moʻuí kae lava ke mou moʻui taau ange.
… Talitali lelei kimoutolu ki he konifelenisi lahí pea mo e tāpuaki ʻo e fanongo ki he leʻo ʻo e ʻEikí.