“Kuo Toetuʻu ʻa Kalaisi; ʻE Hiki e Ngaahi Moʻungá ʻi he Tui Kiate Iá,” Ki Hono Fakamālohia ʻo e Toʻu Tupú, Mē 2021.
Fakatahaʻanga ʻo e Pongipongi Sāpaté
Kuo Toe Tuʻu ʻa Kalaisi; ʻE Hiki e Ngaahi Moʻungá ʻi he Tui Kiate Iá
Ngaahi Konga Fakamatala
Ko e tui kia Sīsū Kalaisí ʻa e fakavaʻe ki he tui kotoa pē mo hono maʻu ʻo e mālohi fakalangí. …
Ko e meʻa lelei kotoa pē ʻi he moʻuí—ʻa e tāpuaki kotoa pē ʻoku mahuʻinga taʻengatá—ʻoku kamata ʻaki e tuí. Ko hono fakaʻatā e ʻOtuá ke lāngilangiʻia ʻi heʻetau moʻuí, ʻoku kamata ʻaki ia e tui ʻokú Ne finangalo ke tataki kitautolu. …
Siʻoku kāinga ʻofeina, ʻoku ou kole kiate kimoutolu ʻi he pongipongi Toetuʻu ko ʻení ke mou kamata he ʻahó ni ke fakatupulaki hoʻomou tuí. ʻE fakatupulaki ʻe Sīsū Kalaisi hoʻo malava ke ikunaʻi e ngaahi faingataʻa ʻi hoʻo moʻuí makatuʻunga ʻi hoʻo tuí. …
Mahalo ko ho ngaahi faingataʻá ko e ongoʻi liʻekiná, veiveiuá, mahamahakí, pe ko ha ngaahi palopalema fakataautaha kehe. ʻE kehekehe pē hoʻo ngaahi palopalemá, ka ko e tali ki hoʻo ngaahi faingataʻaʻia takitaha ko hono fakatupulaki pē hoʻo tuí. …
… Tuku muʻa ke u ʻoatu ha ngaahi fokotuʻu ʻe nima ke tokoni ki hono fakatupulaki hoʻo tuí mo e falalá.
ʻUluakí, ako. …
Uá, fili ke tui kia Sīsū Kalaisi. …
Tolú, ngāue ʻi he tuí. …
Faá, fakahoko e ngaahi ouau toputapú ʻi he moʻui taau. …
Pea ko e nimá, kole ha tokoni ki hoʻo Tamai Hēvaní, ʻi he huafa ʻo Sīsū Kalaisí. …
Ko e tui kia Sīsū Kalaisí ʻa e mālohi maʻongoʻonga tahaʻoku malava ke tau maʻu ʻi he moʻui ní. ʻOku malava e meʻa kotoa pē ʻe kinautolu ʻoku tuí [vakai Maʻake 9:23].
ʻE ikunaʻi hoʻo ngaahi faingataʻá ʻi hoʻo tui lahi kiate Iá—ʻo ʻikai ko e ngaahi moʻunga maka ʻoku nau fakamatamataleleiʻi e māmaní ka ko e ngaahi moʻunga fakamamahi ʻi hoʻo moʻuí. ʻE tokoni hoʻo tui ʻoku tupulakí ke liliu hoʻo ngaahi faingataʻaʻiá ki he tupulaki mo e faingamālie taʻe-hano-tatau.
ʻI he ʻaho Sāpate Toetuʻu ko ʻení ʻoku ou ʻoatu ai ʻeku fakamoʻoni fakataha mo ʻeku ongoʻi ʻofa mo e houngaʻia moʻoni, kuo toetuʻu ʻa Sīsū Kalaisi. Kuó Ne toetuʻu ke tataki Hono Siasí. Kuó Ne toetuʻu ke tāpuekina e moʻui kotoa ʻa e fānau ʻa e ʻOtuá, ʻi ha feituʻu pē ʻoku nau ʻi ai. ʻE lava ke tau ikunaʻi e ngaahi faingataʻa ʻi heʻetau moʻuí, ʻaki e tui kiate Iá.