“Ko e Meʻa ʻOku Tau Lolotonga Ako pea He ʻIkai Teitei Ngaló,” Ki Hono Fakamālohia ʻo e Toʻu Tupú, Mē 2021.
Fakataha Lakanga Fakataulaʻeikí
Ko e Meʻa ʻOku Tau Lolotonga Ako pea He ʻIkai Teitei Ngaló
Ngaahi Konga Fakamatala
Ko e taimi fakamuimui ne tau fakahoko ai ha fakataha lakanga fakataulaʻeikí ko e konifelenisi lahi ʻo ʻEpeleli 2019. Kuo lahi e meʻa kuo hoko he taʻu ʻe ua kuo hilí! …
… Tuku ke u fokotuʻu atu ha lēsoni ʻe fā ʻoku ou ʻamanaki kuo tau ʻosi ako kotoa pea he ʻikai toe ngalo.
Lēsoni 1: Ko ʻApi ʻa e Senitā ʻo e Tuí mo e Moihuú …
… ʻE aʻu pē ʻo ngata e fakataputapui ʻo e fakataha fakatokolahí. Ka, ko hoʻo tukupā ko ia ke ʻai ho ʻapí ko ho tefitoʻi ungaʻanga ʻo e tuí ʻoku ʻikai totonu ke teitei ngata ia. …
Lēsoni 2: ʻOku Fie Maʻu ke Tau Fetokoniʻaki
… ʻE lahi ange e ngaahi meʻa te tau lavaʻi fakatahá, ʻi he meʻa te tau lavaʻi tokotahá. Ne ʻikai mei lava e palani ʻo e fiefia ʻa e ʻOtuá kapau naʻe kei māvahevahe ai pē ʻEne fānaú. …
Kapau ʻokú ke ʻilo ha taha ʻoku siʻi tuēnoa, tokoni—neongo kapau ʻokú ke ongoʻi tuēnoa mo koe! …
Lēsoni 3: Ko Hoʻomou Kōlomu Lakanga Fakataulaʻeikí ʻOku Mahulu Hake ʻi he Fakatahá Pē
… Ko e fakatahá ko ha konga siʻisiʻi pē ia ʻo ha meʻa ʻe lava ke fakahoko ʻe ha kōlomu.
… ʻOku tuʻu ʻa e ngaahi kōlomú ʻi ha tuʻunga makehe ke fakavaveʻi hono tānaki fakataha ʻo ʻIsileli ʻi he ongo tafaʻaki fakatouʻosi ʻo e veilí.
Lēsoni 4: ʻOku Tau Fanongo Lelei ange kia Sīsū Kalaisi ʻi he Taimi ʻOku Tau Nonga Aí
… ʻE kei fakautuutu pē ʻa e moveuveú ʻi he māmaní. ʻI he tafaʻaki ʻe tahá, ko e leʻo ʻo e ʻEikí … “ko ha kihiʻi leʻo siʻi ʻoku fuʻu vaivai ʻaupito, ʻo hangē ha fanafaná, pea naʻe mahuhuhuhu ia ʻo ongo ki he laumālié tonu” [Hilamani 5:30]. Koeʻuhí ke mou lava ʻo ongoʻi ʻa e kihiʻi leʻo siʻí ni, kuo pau ke mou fakalongolongo! …
Siʻi ngaahi tokoua ʻofeina, ʻoku lahi ha ngaahi meʻa ʻoku finangalo e ʻEikí ke tau ako mei heʻetau ngaahi aʻusia he lolotonga ʻo e mahaki fakaʻauhá. Kuó u ʻoatu pē ha meʻa ʻe fā. ʻOku ou fakaafeʻi kimoutolu ke mou faʻu pē haʻamou lisi, fakakaukauʻi lelei ia, pea vahevahe ia mo kinautolu ʻoku mou ʻofa aí.