“ʻOku ʻIkai Hangē ko e Foaki ʻa Māmaní,” Ki Hono Fakamālohia ʻo e Toʻu Tupú, Mē 2021.
Fakataha ʻo e Hoʻatā Tokonakí
ʻOku ʻIkai Hangē ko e Foaki ʻa Māmaní
Ngaahi Konga Fakamatala
ʻE hoko ʻa e fetāʻakí mo e fekeʻikeʻí ko ha fakamoʻoni ki he ngaahi vā fetuʻutaki ʻi he ngaahi ʻaho fakaʻosí. …
Kāinga, ʻoku tau mamata ki he lahi ʻo e fepakipakí, ʻitá mo e anga fulikivanu lahi ʻoku nau ʻākilotoa kitautolú. …
… Ko ia ai, ʻi he Toetuʻu ko ʻení tau feinga muʻa ke fokotuʻu ʻa e melinó ʻi ha founga fakataautaha, pea fakaʻaongaʻi ʻa e ʻaloʻofá mo e lolo faifakamoʻui ʻo e Fakalelei ʻa e ʻEiki ko Sīsū Kalaisí kiate kitautolu mo kinautolu ʻoku tau feohí.
… ʻOku tau fie maʻu ʻa e meʻa ʻoku ui ʻe he folofolá ko e “ngaahi mālohi ʻo e langí,” pea ke maʻu ʻa e ngaahi mālohi ko ʻení kuo pau ke tau moʻui ʻaki ʻa e meʻa ʻoku ui ʻe he ngaahi potufolofola tatau pē ko iá, ko e “ngaahi founga ʻo e māʻoniʻoní” [Tokāteline mo e Ngaahi Fuakava 121:36]. …
… ʻOku kau ʻi he ngaahi founga māʻoniʻoní ʻa e ngaahi ʻulungaanga hangē ko e faʻa kātakí, kātaki fuoloá, angavaivaí, mo e ʻofa taʻemālualoí. ʻI he ʻikai ke ʻi ai ʻa e ngaahi tefitoʻi moʻoni ko iá, naʻe mahino te tau fehangahangai mo e maveuveú mo e taufehiʻá. …
… Ko e Toetuʻú ʻapongipongi, ko ha taimi ia maʻá e ngaahi tefitoʻi moʻoni māʻoniʻoni ʻo e ongoongolelei ʻo Sīsū Kalaisí mo ʻEne Fakaleleí ke “fakalaka atu”—ʻi he fekeʻikeʻí mo e fakakikihí, fakalaka ʻi he siva e ʻamanakí mo e maumaufonó, pea aʻu pē ʻo fakalaka ʻi he maté.
Neongo e lavakiʻí mo e mamahí, ngaohikoviá mo e anga-taʻeʻofá, pea mo e fakautuutu e ngaahi angahala ʻo e faʻahinga kotoa pē ʻo e tangatá, ka naʻe ʻafio hifo ʻa e ʻAlo ʻo e ʻOtua Moʻuí ki he hala fononga lōloa ʻo e moʻui fakamatelié, ʻo Ne ʻafioʻi kitautolu pea folofola ʻo pehē: “ʻOku ou tuku ʻa e melinó kiate kimoutolu, ko ʻeku melinó ʻoku ou foaki kiate kimoutolú: ʻoku ʻikai hangē ko e foaki ʻa māmaní, ʻa ʻeku foaki kiate kimoutolú. ʻOua naʻa mamahi homou lotó, pea ʻoua naʻa manavahē ia” [Sione 14:27]. ʻOfa ke mou maʻu ha Toetuʻu monūʻia, fakafiefia mo melino.