“Loki ʻAtā ʻi he Fale Tali-Fonongá,” Ki Hono Fakamālohia ʻo e Toʻu Tupú, Mē 2021.
Fakatahaʻanga ʻo e Pongipongi Tokonakí
Loki Naʻe ʻAtā ʻi he Fale Tali-fonongá
Ngaahi Konga Fakamatala
ʻOku fakaafeʻi kitautolu ʻe Sīsū Kalaisi ʻi he faʻahitaʻu Toetuʻu ko ʻení, ke tau hoko ʻo hangē ko Iá, ko ha Samēlia lelei, ke ngaohi Hono Fale Tali-fonongá (Hono Siasí) ko ha hūfangaʻanga maʻá e kakai kotoa pē mei he ngaahi fakamamahi mo e haʻahaʻa ʻo e moʻuí. …
ʻI heʻetau omi mo e Samēlia Leleí ki he Fale Tali-fonongá, ʻoku tau ako ai ha ngaahi meʻa ʻe nima fekauʻaki mo Sīsū Kalaisi pea mo kitautolu.
ʻUluakí, ʻoku tau omi ki he Fale Tali-fonongá ʻi hotau tuʻunga lolotongá, mo hotau ngaahi vaivaí mo e taʻe-haohaoá. Ka, ʻoku tau maʻu kotoa pē ha meʻa ʻoku fie maʻu ke foaki. ʻOku faʻa fakahoko fakataha ʻa ʻetau fononga ki he ʻOtuá. …
Ko e uá, ʻokú Ne kole mai ke tau ngaohi Hono Fale Tali-fonongá ko ha feituʻu ʻo e ʻaloʻofa mo ʻataʻatā, ʻa ia ʻe lava e tokotaha kotoa ʻo fakataha ki ai, pea mo ha feituʻu ʻoku ʻataʻatā ki he kakai kotoa pē. ʻI heʻetau hoko ko e kau ākonga ʻa Sīsū Kalaisí, ʻoku tatau ʻa e tokotaha kotoa pē, ʻo ʻikai ha kulupu maʻulalo ange. …
Ko e tolú, ʻoku tau ako ʻi Hono Fale Tali-fonongá ʻoku ʻia Sīsū Kalaisi ʻa e haohaoá, kae ʻikai ko e haohaoa ʻo e māmaní. … ʻOkú Ne fakaafeʻi kitautolu takitaha ke tau hoko ko ha Samēlia lelei, ʻo siʻi ange ʻetau loto-fakamāú kae lahi ange ʻetau fakamolemoleʻi kitautolú mo e fefakamolemoleʻakí. …
Faá, … ʻokú Ne ʻomi kitautolu ki Hono Fale Tali-fonongá—ʻa e temipale māʻoniʻoní … ʻa ia … ʻoku lava ai ʻe he Samēlia Leleí ʻo fufulu mo fakakofuʻi kitautolu, ʻo teuteuʻi kitautolu ke foki ki he ʻao ʻo e ʻOtuá, mo fakatahatahaʻi kitautolu ʻo taʻengata ʻi he fāmili ʻo e ʻOtuá. …
Ko hono fakaʻosí, ko e nimá, ʻoku tau fiefia ʻoku ʻofa ʻa e ʻOtuá ʻi Heʻene fānaú ʻi he kotoa ʻo hotau ngaahi puipuituʻá mo e ngaahi tūkunga kehekehé, ʻi he puleʻanga, faʻahinga, mo e lea kotoa pē, pea ʻoku ʻi ai ha potu maʻá e kakai kotoa pē ʻi Hono Fale Tali-fonongá. …
ʻOku palōmesi mai hotau Samēlia Leleí te ne toe foki mai. ʻOku hoko ʻa e ngaahi maná ʻi he taimi ʻoku tau fetauhiʻaki ai ʻo hangē ko Iá.