« ’Ua ti’afa’ahou te Mesia ; e fa’anu’u te fa’aro’o iāna ra i te mau mou’a », Liahona, Mē 2021.
Tuha’a purera’a nō te po’ipo’i sābati
’Ua ti’afa’ahou te Mesia ; e fa’anu’u te fa’aro’o iāna i te mau mou’a
Fa’ahitira’a
’Ua riro te fa’aro’o i te Fatu ia Iesu Mesia ’ei niu nō te mau ti’aturira’a ato’a ’e ’ei fa’atahera’a nō te mana o te ra’i […]
Te mau mea maita’i ato’a i roto i te orara’a—te mau ha’amaita’ira’a ato’a e faufa’a mure ’ore—e ha’amata te reira nā roto i te fa’aro’o. Te vaiihora’a i te Atua ’ia upo’oti’a i roto i tō tātou orara’a, e ha’amata te reira nā roto i te fa’aro’o ē, e hina’aro tōna ’ia arata’i ia tātou […]
E a’u mau taea’e e a’u mau tuahine here, tā’u pi’ira’a ia ’outou i teie po’ipo’i Pāsa ’ia ha’amata i teie mahana i te fa’arahi i tō ’outou fa’aro’o. Nā roto i tō ’outou fa’aro’o, e fa’arahi Iesu Mesia i tō ’outou ’aravihi ’ia fa’anu’u i te mau mou’a i roto i tō ’outou orara’a […]
Tā ’outou paha mau mou’a ’o te mo’emo’e, te fē’a’a, te ma’i, ’aore rā te tahi atu mau fifi nō ’outou iho. E rave rahi tō ’outou mau mou’a, noa atu rā i te reira, te pāhonora’a i tō ’outou mau tāmatara’a o te fa’arahira’a ïa i tō ’outou fa’aro’o.
[…] Tē hina’aro nei au e hōro’a atu e pae mana’o nō te tauturu ia ’outou ’ia fa’ahotu i te reira fa’aro’o ’e te ti’aturira’a.
’A tahi, ’a tuatāpapa […]
Te piti, ’a mā’iti ’ia ti’aturi ia Iesu Mesia […]
Te toru, e ’ohipa i roto i te fa’aro’o […]
Te maha, ’a rave i te ’ōro’a mo’a ma te ti’amā […]
’E te pae, e ani i te tauturu i tō ’outou Metua i te ao ra, nā roto i te i’oa o Iesu Mesia […]
Te fa’aro’o ia Iesu Mesia ’o te mana rahi a’e ïa e roa’a ia tātou i roto i teie orara’a. E ti’a te mau mea ato’a i te feiā e ti’aturi [hi’o Mareko 9:23].
E tūra’i tō ’outou fa’aro’o e tupu ra i te rahi i te mau mou’a—’eiaha te mau mou’a ’ōfa’i ’o tē fa’a’una’una nei i te fenua—te mau mou’a rā nō te veve rahi i roto i tō ’outou orara’a. E tauturu tō ’outou fa’aro’o ruperupe ia ’outou ’ia huri i te mau tāmatara’a i roto i te mau tupura’a i te rahi ’e i te mau rāve’a ’ite-’ore-hia a’e nei.
I teie sābati Pāsa, ma te mana’o here ’e te māuruuru hōhonu, tē fa’a’ite nei au i tō’u ’itera’a pāpū ē, ’ua ti’afa’ahou mau Iesu Mesia. ’Ua ti’afa’ahou ’oia nō te arata’i i tāna ’Ēkālesia. ’Ua ti’afa’ahou ’oia nō te ha’amaita’i i te orara’a o te mau tamari’i ato’a a te Atua, i te mau vāhi ato’a e orahia ra e rātou. Ma te fa’aro’o i roto iāna, e nehenehe tātou e fa’anu’u i te mau mou’a i roto i tō tātou orara’a.