« Pāruru i tā tātou papa ture fa’auruhia mai e te Atua », Nō te Pūai o te Feiā ’Āpī, Mē 2021.
Tuhaʼa pureraʼa nō te avatea sābati
Pāruru i tā tātou papa ture fa’auruhia mai e te Atua
Fa’ahitira’a
I roto i teie taime ’ārepurepu mau, ’ua fa’auruhia vau ’ia paraparau nō ni’a i te papa ture a te fenua Marite. E faufa’a ta’a ’ē tō teie papa ture i te hi’ora’a a te mau melo nō te Fenua Marite, ’e e fatura’a ’āi’a nō te tā’āto’ara’a ’ati a’e i te ao nei […]
Nō tō tātou ti’aturira’a i te fa’aurura’a nō te ra’i mai e hōpoi’a ta’a ’ē tō te Feiā Mo’a i te mau Mahana Hope’a nei nō te pāturu ’e nō te pāruru i te papa ture a te fenua Marite ’e te mau parau tumu o te papa ture i te vāhi ato’a tā tātou e fa’aea ra. E ti’a ia tātou ’ia ti’aturi i te Fatu e ’ia vai te mana’o maita’i i ni’a i teie fenua nō a muri a’e.
E aha tā te feiā mo’a i te mau mahana hope’a nei e rave fa’ahou ā ? E ti’a ia tātou ’ia pure ’ia arata’i mai te Fatu ’e ’ia ha’amaita’i i te mau fenua ato’a ’e tō rātou mau feiā fa’atere. E tuha’a teie nō tā tātou Hīro’a Fa’aro’o. ’Aita te aurarora’a i te mau peresideni ’aore rā i te mau fa’atere e tāpe’a ia tātou ’ia pāto’i i te ture tāta’itahi ’e te mau arata’ira’a. Nō reira e tītauhia ia tātou ’ia fa’a’ohipa i tō tātou mana tivira ’e te ’ī i te hau, nā roto i te ’ōti’a o tā tātou mau papa ture ’e mau ture tano. Nō ni’a i te pāto’ira’a i te mau fifi, e ti’a ia tātou ’ia ’imi ’ia tāmarū ’e ’ia tāhō’ē.
Tē vai ra te tahi atu ā mau hōpoi’a tei roto te fa’aturara’a i te papa ture fa’auruhia. E ti’a ia tātou ’ia ha’api’i mai ’e ’ia pāruru i te mau parau tumu fa’auruhia o te papa ture. E ti’a ia tātou ’ia tītorotoro ’e ’ia pāturu i te mau ta’ata pā’ari ’e te maita’i ’o tē turu nei i teie mau parau tumu i roto i tā rātou ’ohipara’a i te ta’ata. (hi’o Te Parau Ha’api’ira’a ’e te mau Parau Fafau 98:10). E ti’a ia tātou ’ia riro ’ei huira’atira māramarama ’o tē fa’a’ohipa nei i tō tātou mana i roto roa i te mau ’ohipa tīvira.