« E vāhi i roto i te fare tīpaera’a », Nō te Pūai o te Feiā ’Āpī, Mē 2021.
Tuha’a purera’a nō te po’ipo’i mahana mā’a
E vāhi i roto i te fare tīpaera’a
Fa’ahitira’a
I teie tau Pāsa, tē ani nei Iesu Mesia ia tātou ’ia riro, mai iāna te huru, ’ei ta’ata maita’i nō Samaria, nō te fa’ariro i tāna fare tīpaera’a (tāna ’Ēkālesia) ’ei ha’apūra’a nō te tā’āto’ara’a e nā roto i te mau ’ahi’ahi ’e te mau vero o te orara’a nei […]
’A haere mai ai tātou ’e te ta’ata maita’i nō Samaria i te fare tīpaera’a, e pae mea e ha’api’i tātou nō ni’a ia Iesu Mesia ’e ia tātou nei.
’A tahi, e haere mai tātou i te fare tīpaera’a i tō tātou huru nei, ’e tā tātou mau peu ri’i ’e te mau hapehape. Noa atu rā, e ’ohipa tā tātou e nehenehe e tauturu atu. Pinepine tō tātou tere i te Atua ra tē ’ite-’āmui-hia […]
Te piti, tē tāparu nei ’oia ’ia fa’ariro tātou i tāna fare tīpaera’a ’ei vāhi nō te maita’i rahi ’e te āteatea, i reira te ta’ata tāta’itahi e nehenehe ai e ’āmui, e vāhi nō te tā’āto’ara’a. ’Ei pipi nā Iesu Mesia, e mea ’aifāito te tā’āto’ara’a, ’aita e pupu fāito piti […]
Te toru, i tāna fare tīpaera’a, e ha’api’i tātou i te maita’i-roa-ra’a i roto ia Iesu Mesia, ’eiaha rā te maita’i-roa-ra’a a tō te ao nei […] Tē ani nei ’oia ia tātou tāta’itahi ’ia riro ’ei ta’ata maita’i nō Samaria, fa’aiti a’e i te parau ha’avā ’e fa’arahi a’e i te fa’aore hapa ia tātou iho ’e i te tahi ’e te tahi […]
Te maha […] E ’āfa’i mai ’oia ia tātou i tāna fare tīpaera’a ’e i tōna ato’a fare—te hiero mo’a […] e nehenehe ai te ta’ata maita’i nō Samaria e tāmā ’e e fa’a’ahu ia tātou, ma te fa’aineine ia tātou ’ia ho’i i mua i te aro o te Atua, ’e e tāhō’ē a muri noa atu ia tātou i te ’utuāfare o te Atua […]
Te hope’a, te pae, tē ’oa’oa nei tātou tē here nei te Atua i tāna mau tamari’i noa atu te vāhi nō reira mai tātou ’e tō tātou nei vaira’a, i roto i te mau nūna’a ato’a, te mau aura’a metua, ’e te mau reo, e vāhi nō te tā’āto’ara’a i roto i tāna fare tīpaera’a […]
Tē parau fafau ra tō tātou ta’ata maita’i nō Samaria ē e ho’i mai ’oia. E tupu te mau semeio ’ia aupuru tātou mai tāna e nā reira.