Te mau parau tumu nō tā’u nei ’evanelia (Te Parau Ha’api’ira’a ’e te mau Parau Fafau 42:12)

Fa’ahitira’a

Elder David A. Bednar

Nō te pupu nō te Tino ’Ahuru Ma Piti ’āpōsetolo

Hōho’a

Te i’oa o te ta’ata pāpa’i

Hōho’a

pahī

Hōho’a nā Guetty Images

Te hō’ē parau tumu o te ’evanelia, ’o te hō’ē ïa arata’ira’a o te ha’api’ira’a tumu nō te fa’a’ohipa ti’a i tōna ti’amāra’a mōrare. Nō roto mai te mau parau tumu i te mau parau mau rahi o te ’evanelia, nō te hōro’a i te ’avei’a ’e te mau fa’aturera’a ’a haere ti’a ai tātou i mua i ni’a i te ’ē’a nō te fafaura’a […]

E ha’apūai te ha’api’ira’a, te māramaramara’a ’e te orara’a i te ’evanelia, i tō tātou fa’aro’o i te Fa’aora, e fa’arahi te reira i tā tātou pūpūra’a iāna, ma te tītau i te mau ha’amaita’ira’a rave rau ’e te mau hōro’a pae vārua i roto i tō tātou orara’a. E tauturu ato’a mai te mau parau tumu nō te parauti’a ’ia hi’o i’ō atu i tō tātou iho mau hina’aro ’e te hia’ai ha’apa’o noa ia tātou iho maoti te hi’ora’a faufa’a rahi nō te parau mau mure ’ore ’a fa’aruru ai i te mau vaira’a rau ’e te mau ha’afifira’a ’e te mau fa’aotira’a ’e te mau ’ohipa o te tāhuti nei […]

I te maura’a Iosepha Semita i te fare tāpe’ara’a nō Liberty, ’ua pāpa’i ’oia i te mau rata arata’ira’a i te mau melo ’e te feiā fa’atere o te ’Ēkālesia ma te fa’aha’amana’o ia rātou ē « te mau pahī, rarahi noa ā iho rātou, e puhia-noa-hia e te mata’i rahi ra, e tī’oi-haere-hia rā e te hoe iti ha’iha’i roa » [Te Parau Ha’api’ira’a ’e te mau Parau Fafau 123:16].

Te « hoe », ’o te fa’aterera’a ïa ’e te mau tauiha’a tū’ati nō te fa’atīpu’u i te hō’ē pahī ’aore rā te poti. ’E te « puhia-noa-hia e te mata’i rahi ra, e tī’oi-haere-hia rā », ’o te fa’aterera’a ïa i te hō’ē pahī ’ia ’āfaro noa te reira ’eiaha ’ia tomo i roto i te vero.

’Ua riro te mau parau tumu nō te ’evanelia nō tātou nei mai te hoe nō te pahī. Maoti te mau parau tumu ti’a e noa’a ai ia tātou ’ia ’ite i tō tātou ’ē’a ’e ’ia vai pāpū ma te itoito ’e ma te ’āueue ’ore, ’eiaha tātou ’ia ’opa ’e ’ia ta’ahuri i roto i te mau vero pōiri ’e te ta’a ’ore o te mau mahana hope’a nei.