«Անձնական խաղաղություն դժվարին ժամանակներում», Երիտասարդներին զորացնելու համար, նոյեմբեր 2022 թ․։
Կիրակնօրյա առավոտյան նիստ
Անձնական խաղաղություն դժվարին ժամանակներում
Հատվածներ
Աշխարհին խոստացված կամ երաշխավորված չէ խաղաղություն՝ մինչև Հիսուս Քրիստոսի Երկրորդ Գալուստը։ …
Այնուամենայնիվ, անձնական խաղաղության կարելի է հասնել՝ չնայած բարկությանը, հակառակությանը և տարաձայնություններին, որոնք փչացնում և ապականում են մեր այսօրվա աշխարհը։ Երբեք ավելի կարևոր չի եղել անձնական խաղաղություն փնտրելը։ …
Թեև մենք երբեք չենք հրաժարվելու համընդհանուր խաղաղության հասնելու մեր ջանքերից, մենք վստահ ենք, որ կարող ենք գտնել անձնական խաղաղություն, ինչպես ուսուցանում է Քրիստոսը։ Այդ սկզբունքն առաջ է քաշվել Վարդապետություն և Ուխտերում. «Բայց իմացեք, որ նա, ով արդարության գործեր է անում, պիտի ստանա իր վարձքը, այսինքն՝ խաղաղություն այս աշխարհում և հավերժական կյանք գալիք աշխարհում» [Վարդապետություն և Ուխտեր 59․23]։
Որո՞նք են այն «արդարության գործերը», որոնք կօգնեն մեզ հարթել խնդիրները, նվազեցնել հակառակությունը և խաղաղություն գտնել այս աշխարհում։ Դրանք մատնանշվում են Քրիստոսի բոլոր ուսմունքներում։ Ես կնշեմ մի քանիսը, որոնք, իմ կարծիքով, խիստ կարևոր են։
Առաջին՝ սիրեք Աստծուն, ապրեք Նրա պատվիրաններով և ներեք բոլորին …
Երկրորդ՝ փնտրեք Հոգու պտուղները …
Երրորդ՝ կամքի ազատություն գործադրելով՝ ընտրեք արդարություն …
Չորրորդ՝ կառուցենք Սիոնը մեր սրտերում և տներում …
Հինգերորդ՝ հետևենք մեր մարգարեի ներկայիս հորդորներին …
Ես բերում եմ իմ անձնական առաքելական վկայությունը, որ Հիսուս Քրիստոսը՝ աշխարհի Փրկիչն ու Քավիչը, առաջնորդում և ուղղորդում է Իր վերականգնված Եկեղեցին։ Նրա կյանքը և քավիչ առաքելությունը խաղաղության իսկական աղբյուր են։ Նա է Խաղաղության Իշխանը։