«Հավատք՝ խնդրելու, իսկ հետո գործելու համար», Երիտասարդներին զորացնելու համար, նոյեմբեր 2022 թ․։
Շաբաթօրյա երեկոյան նիստ
Հավատք՝ խնդրելու, իսկ հետո գործելու համար
Հատվածներ
Աստծուց հայտնություն ստանալու ուղին չի փոխվել Ադամի և Եվայի օրերից ի վեր: Այն նույնն է եղել Տիրոջ բոլոր կանչված ծառաների համար՝ սկզբից մինչև մեր օրերը: Նույնն է ինձ համար և ձեզ համար։ Այն միշտ ստանում ենք հավատք գործադրելով:
Դուք հարցեր ունեք, որոնց համար պատասխաններ եք փնտրում: Առնվազն, դուք ունեք բավականաչափ հավատք՝ հուսալու, որ Տիրոջից պատասխաններ կստանաք Նրա ծառաների միջոցով։ Դուք հնարավորություն չեք ունենա անձամբ հարցեր տալ խոսնակներին, բայց կարող եք աղոթքով խնդրել ձեր սիրող Հորը:
Ես իմ փորձից գիտեմ, որ պատասխանները կստանաք, որոնք կհամապատասխանեն ձեր կարիքներին և ձեր հոգևոր պատրաստվածությանը: …
Եթե Հիսուս Քրիստոսի հանդեպ ձեր հավատքը մեղմացրել է ձեր սիրտը՝ շնորհիվ Նրա քավության, դուք ավելի շատ կկարողանաք զգալ Հոգու շշուկները՝ ի պատասխան ձեր աղոթքների: …
Երբ Հիսուս Քրիստոսի հանդեպ մեր հավատքի շնորհիվ մենք սկսենք պատասխաններ խնդրել Հորից, այդ հավատքը նաև թույլ կտա, որ Փրկիչը մեղմ հպվի, որպեսզի մենք հետևենք Նրա առաջնորդությանը և հաստատակամ ու ոգևորված լինենք՝ հնազանդվելու համար: …
Ես վկայում եմ, որ այն վեմը, որի վրա մենք կանգնած ենք, մեր վկայությունն է առ այն, որ Հիսուսը Քրիստոսն է, որ սա Նրա Եկեղեցին է, որը Նա ղեկավարում է անձամբ, և նախագահ Ռասսել Մ. Նելսոնը Նրա ապրող մարգարեն է այսօր: …
Ես աղոթում եմ, որ դուք ձեռք բերեք նույն վկայությունը: