“Fakafehokotaki,” Ki Hono Fakamālohia ʻo e Toʻu Tupú, ʻEpeleli 2022.
Fakafehokotakí
Paea-ʻAlapeni C.
17, Nomanitī, Falanisē
Laʻitā meia Christina Smith
Naʻe papitaiso au ʻi ʻIsipite. Naʻa mau nofo ai ʻi ha ngaahi taʻu siʻi koeʻuhí ko e ngāue ʻa ʻeku tamaí. Naʻe papitaiso au ʻe heʻeku kuitangatá, pea ko ha aʻusia makehe moʻoni ia. Ne u ongoʻi e Laumālié. Naʻá ku ongoʻi ʻi he ʻaho ko iá ha poupou mei he kāingalotu kotoa ʻi hoku uōtí, kae tautautefito ki he Tamai Hēvaní. ʻOku ou ʻilo ne u fai ha fili lelei.
ʻOku ʻikai ha ngaahi temipale ʻi ʻIsipite pe ʻi he ngaahi fonua takatakai aí. Ka ʻi heʻemau hiki ki Falaniseé, naʻe lava ke u ʻalu ki he temipale ʻi Suisalaní. Ko e kimuʻa ʻeni pea langa ʻa e Temipale Pālesi Falaniseé.
Ko e fuofua taimi naʻá ku ʻalu ai ki he Temipale Peeni Suisalaní, naʻá ku ʻalu mo hoku fāmilí mo e ngaahi kaungāmeʻá. Naʻe fakafiefia ʻa e aʻusiá ni kiate au. Naʻa mau ongoʻi kotoa ʻa e Laumālié. Naʻá ku ʻiloʻi ko e meʻa naʻá ku faí naʻe lelei pea naʻe hōifua ʻa e ʻOtuá ki heʻemau ngāué. ʻOku ou ʻilo ʻoku ʻomi ʻe he temipalé ha ngaahi tāpuaki lahi kiate kitautolu. ʻI he taimi ʻoku tau tuku ai ha taimi ke fakahoko e ngāue fakatemipalé maʻa ʻetau ngaahi kuí, ʻoku tāpuekina kitautolu ʻe he Tamai Hēvaní. Te Ne hōifua ʻi he meʻa kuo tau fai maʻa ʻEne fānaú ʻi Hono falé.