Ngāue Tokoni ʻi he Sinoú

Hili e sinou ʻaho kakató, ne laka hake he fute ʻe tahá e sinou naʻá ne kāpui homau kaungāʻapí. Naʻá ku fie nofo toko taha pē ke ʻi ai ha taimi ke u fakakaukau ai, ko ia ne u fakakaukau ke u ʻalu ʻo tata ʻa e ngaahi tauʻanga meʻalelé. Ne u ʻiloʻi ha kau uitou toulekeleka te nau fie maʻu e tokoní.

Naʻá ku hū ki tuʻa ʻo lue mei he ʻapi ki he ʻapi, ʻo tata ʻa e tauʻanga meʻalelé. Fakafokifā ne u ongoʻi e ʻofa ʻa ʻetau Tamai Hēvaní mo Sīsū Kalaisí. Naʻá ne fakafonu au ʻaki ʻa e ʻamanaki lelei mo e mahino ʻe lelei ʻa e meʻa kotoa pē neongo e ngaahi taimi faingataʻá. Kuó u ʻiloʻi kapau ʻoku tau fie maʻu tokoni ke ikunaʻi e ngaahi faingataʻá, ko e taha ʻo e ngaahi founga lelei tahá ko hono tokoniʻi e niʻihi kehé. Naʻá ku ako foki kapau ʻokú ke fai ha ngaahi meʻa lelei, te ke ongoʻingofua ange ai ʻa e Laumālié.

Sēleti L., Uāsingatoni, USA