“Tataekinan te Euangkerio n Rau,” Ibukin Kakorakoraia Kairake, Meei 2022.
Te Tetere ni Moaningabongin te Kaonobong
Tataekinan te Euangkerio n Rau
Te Rongorongo ae Kaeweaki
Mai imwiin te maungatabu ae nako, e teimatoa n iai te kangaanga n te aonaaba. Te buti n aoraki n te aonaaba ae e bon rooti naba maiura. Ao ngkai e a rootaki te aonaaba n te kaangaanga. …
Tariu ao mwaaneu, ana euangkerio Iesu Kristo e tuai rangi ni kainnanoaki ngkoa nakon riki te bong aei. … I tangira te Uea Iesu Kristo ao ni kakoauaa bwa Ana euangkerio bon ti ngaia te kawai ni karekea te rau. …
…Bon tibwangara ae tabu bwa ti na tataekina korakoran ao ana rau Iesu Kristo nakoia aomata ake a kan ongora ao ni kan karimoaa te Atua inanon maiuia.
Aomata ake a tia ni karaoi berita ma te Atua a berita bwa a na tabeakiniia tabeman ao ni beku ibukiia ake a kainnano. Ti kona ni kaota te onimaki iroun te Atua ao n tauraoi n tainako ni kaeka nakoia ake a titirakiniira ibukin te “kantaninga ae mena i [nanora]” [1 Betero 3:15]. …
N te bong aei I kamatoa n taekinna bwa e a tia n tua te Uea bwa a riai ataeimwaane ni kabane aika a tau, aika a konabwai ni katauraoi ao ni mwananga n nako ni mitinare. …
Ngkami ataeinnaine ao ake kam tau man konamaki, e tamaroa te mwakuri ni mitinare, ma e bon nakoimi, baireana. …
… Ti butimwaiia naba taanga aika ikawai bwa a na beku ngkana e angaraoi ma aroia. …
Ni kabane mitinare a reirei ao ni kaota aia koaua iaon te Tia Kamaiu. Baika a karooa te maiu n tamnei n te aonaaba e a kabatiaa riki kainnanoan otan Iesu Kristo nakon riki are mai imwaaina. E riai bwa e na reke aia tai aomata n ongora ana euangkerio Iesu Kristo ae kaokaki.