“Kamarurunga te Aonaaba,” Ibukin Kakorakoraia Kairake, Meei 2022.
Te Tetere ni Moaningabongin te Tabati
Kamarurunga te Aonaaba
Te Rongorongo ae Kaeweaki
Tera inaomatan taekan te aro?
Bon te inaomata n nebonebo n aekaia nako: te inaomata ni bootaki, te inaomata ni maroro, te inaomata ni karaoi waaki nakon ana koaua temanna, ao te inaomata irouia ake tabeman ni karaoa naba aekan anne. Inaomatan te aro e kariaira bwa ti na baireia i bon ibukira bwaai aika ti kakoauai, arora ni maeu ao ni mwakuri nakon ara onimaki, ao are e kantaningaia te Atua ibukira. …
Inanon tain te mangaongao n 1842, Iotebwa [Timiti] e boretiia 13 koaua aika a kakawaki n rikiraken te Ekaretia, n aron ae teuana aio: “Ti tangira te inaomata n taromauria te Atua ae Moan te Mwaaka ni kaineti ma ara iango, ao ni kariaia aomata nako te inaomata naba anne, bwa a na taromauri ni kanga, n te tabo ra, ke are a rineia” [Taekan te Onimaki 1:11].
Ana rongorongo e mwaneia aomata nako, e karau nano, ao e rangi ni karinerine. Ao aei bon aan inaomataia aaro. …
Ti na tarai aua kawai are a na kabwaia iai taabo ao aomata n tatabemania man inaomataia aaro.
Te moan. Inaomataia aaro e karinea te moan ao te kauoua n rietata n tua, karimoaan te Atua inanon maiura. …
Te kauoua. Inaomataia aaro e boutokaa kaotan te koaua, te kaantaninga, ao te rau. …
Te kateniua. Taekan te aro e kaungaia aomata ni buokia tabeman. …
Ao te kaaua. Inaomataia aaro e tei bwa te bwai ni katiteuanaaki ao ni kakorakora ibukin kateiraoan koaua ao aroaro aika riai. …
I kaoi ngkami bwa kam na riki bwa tiambion ibukin inaomataia aaro. E oti iai te inaomata n rinerine are e anga te Atua.