“Berita aika Tabu ma te Atua a Kakorakoraira, Kamanoira, ao ni Katauraoi ibukin te Mimitong ae Akea Tokina,” Ibukin Kakorakoraia Kairake, Meei 2022.
Te Tetere ibukiia Aine
Ara Berita ma te Atua a Kamatoaira, Kamanoira, ao Katauraoira ibukin te Mimitong ae Akea Tokina
Te Rongorongo ae Kaeweaki
Ko a tia n tei iaon te katabuki ae rietata ma tabon waem iaon mangeena ni katannako man te tabo ae nano inano? N tain te ruorikaaki, e ngae ngke ko ataia bwa ko bon mano raoi man matoan roobu ao bwaai ake a kabonganaaki ake ko na ruorikaaki iai ao ni mano, te tei iaon te tabo anne e bon kanakonano. Te rangata rikaaki iaon te tabo ae rietata ao tienakom n te aakea e kainnanoa onimakinan te angkaa, are e kabaeaki ma te bwai ae aki konaa ni kamwaingaki. E kainnanoa onimakinan te aomata are e na kamatoa te roobu ngke ko ruo rikaaki. …
Bwaai ni mwakuri n tamnei ake a kamanoira bwa ti na aki rotaki iaon bwaan kanganga bon ara koaua iroun Iesu Kristo ao te berita ae tabu are ti karaoia. Ti kona ni katan iaon boutoka aikai ni kairira ao n uotira ni kamanoira. Ngkai bon raora ae tatauraoi, te Tia Kamaiu e aki konaa ni kariaia bwa ti na bwaka man Ana tararua. …
Akea riki ae kakawaki nakon te rikirake ae akea tokina nakon kawakinan ara berita aika a tabu ma te Atua. …
I kakoaua bwa ngkai ti rineia bwa ti na karaoi berita aika a tabu ma Tamara are i Karawa ao ni karekea mwaakan te Tia Kamaiu ni kawakiniia, ti na kakabwaiaaki ma karekean te kukurei ae raka riki n te maiu aei nakon are ti kona ni katamneia ao mimitongin te maiu ae akea tokina n te maiu are e na roko.