“I Kakabwaiaaki Man te Mwakuri ni Mitinare n Aki Toki,” Ibukin Kakorakoraia Kairake, Meei 2022.
Te Tetere ni Moaningabongin te Kaonobong
I kakabwaiaaki Man te Mwakuri ni Mitinare n Aki Toki
Te Rongorongo ae Kaeweaki
Ngkana I tanrikaaki n taraa maiu, I noori bwaai aika a riki ake a uota te bitaki ae korakora nakoiu. Teuana rongorongou bwa inanon kairakeu ao I mitinare ike I a karekei kakabwaia ma kakorakoran tamneiu n au tai ni mwakuri n te aba ae Engiran. …
Au mwakuri ni mitinare; e katauraoai nakon te nakoa ni kainnaba ao ni karo ao n au karikirake. E katauraoai naba nakon au beku ibukin te Uea n Ana Ekaretia. …
E kinai ngkami te Uea. N ami tai ni mitinare, kam na karekei bwaai ake a na buoki ngkami ni kakorakora ami atatai i Rouna. …
Ngai ae ana Abotoro Iesu Kristo, I kaewenakoi ngkami ataeinimwane—ao ataeinaine ake iai nanoia n te mwakuri ni mitinare—bwa kam na maroro ma ami karo ibukin te mwananga ni mitinare. I kaoi naba ngkami bwa kam na maroro ma raoraomi iaon te mwakuri ni mitinare, ao ngkana iai raoraomi ae tuai moti ana iango, kaungaa bwa e na maroro ma ana bitiobi.
Karaoa ami motinnano ibon iroumi ao nakon Tamami are i Karawa bwa kam na mitinare ao man te bong aei kam na kaitiaka nanomi, baimi, ao ami iango. I kaoi ngkami bwa kam na karekea ami koaua ae matoa n ana euangkerio Iesu Kristo. …
Au tataro bwa ngkami ataeinimwane ao ataeinnaine ao ami karo kam na noora ao n ataia bwa e kanga te mwakuri ni mitinare ni kakabwaia maiumi n aki toki.