“Tai Maaku: Kam na Tii Onimaki!,” Ibukin Kakorakoraia Kairake, Meei 2022.
Te Tetere ni Bwakantain te Kaonobong
Tai Maaku: Kam na Tii Onimaki!
Te Rongorongo ae Kaeweaki
N te bwai ae ti rinanona ngkai, e koaua bwa e a moanna ni mamaara ungan nanon te kairake. …
Au bubuti n te bong aei nakoia kairake, ao nakoia kaaro ao ikawai ake kam na ibuobuoki, bwa kam na waaki moa man kakabwaia aika a bati ake ti a tia n anganaki iroun teuare te tia anga bwaintangira. N te tai are a tabekaki titiraki aika nano irouia aomata aika a mwaiti, ti riai ni kaeka n te “rongorongo ae raoiroi” are bon ana euangkerio Iesu Kristo. Ana Ekaretia Iesu Kristo ibukiia Aika Itiaki ni Boong aika Kaitira, are kabura ana botoniango ao ana rongorongo te Tia Kamaiu, e katauraoa te tabo are ti na karekea man karaoa te tamaroa n te tai aei. …
Nakoimi kairake aika kam rawawata, tera ami tabeianga ke kangaanga, te bakabure bon tiaki katokana. E aki kona ni katoka te maraki are ko namakinna ke are ko taku bwa e riki man am mwakuri. N te aonaba ae kainnanoa te oota, taiaoka tai kamemerea te oota ni koaua are e kaki te Atua i nanom imwain karikan te aonaba aei. Kakaea te aomata ae kona ni buokiko. Bubuti buokam. Bon tai urua te maiu are E anga Maiuna ibukina Kristo. Ko kona n uota rawawatan te maiu aei ibukina bwa ti na buoka rawawatam. Ko korakora ma ko aki ataia. E bon tauraoi te ibuobuoki, mairouia aomata ao riki te Atua. Ko tangiraki ao ko kakawaki ao ko kainnanoaki. Ti kainnanoiko! “Tai maaku: kam na tii onimaki.” …
… E bati te bwai ae ti riai ni kukurei iai. Iai ara utu, ao iai ara Tia Kamaiu. Tai kaakea ara tai ni karekei ngkami.