“Irirakin Iesu: N Riki bwa te Tia Raoi,” Ibukin Kakorakoraia Kairake, Meei 2022.
Te Tetere ni Moaningabongin te Kaonobong
Irirakin Iesu: N Riki bwa te Tia Raoi
Te Rongorongo ae Kaeweaki
E reirei te Uea arora ni maiu, ngkoa ao ngkai n te aonaaba ae aki kakarinerine. “A a kabwaia tan raoi,” E taekinna, “bwa a na atongaki bwa natin te Atua” [Mataio 5: 9]. …
E na kanga te tia raoi ni katoka ao ni kabebetea te kai ni katebe ae ura? N etina bon tiaki man katinanikuan waaki aika a taekini baika a bubuaka ibukira. Ma, ti na reitinako ni matoatoa n ara onimaki, n tibwa ara koaua ma te aki nano tiotio ma kararoaa n tainako te un ke te kareke kai. …
Tera ae e anganiira te korakora n nano ni kabebetea, ni karika te raoi, ao ni katoka te kai ni katebe ae ura ae kaineta te koaua ao te tangira? Te korakora e roko man ara onimaki iroun Iesu Kristo ao te onimaki n Ana taeka. …
E ngae ngke nanora ae mangori bon ibukin ana reirei te Tia Kamaiu bwa e na karineaki irouia aomata nako, ana taeka te Uea rinanoia Ana burabeti a aki toki ni kaitara nakon te bwai are e wakinaki n te aonaaba. Aio bon arorona ngkoa. …
Ti tangiriia ma nanora ni koaua ao n tabeakiniia kaain rarikira, bwa a kakoaua ke aki n ai arora. …
E na iai te tai are ngkana ko riki bwa te tia raoi nanona bwa ti na totokoa te waekoa ni kaeka ma n onea mwiina, n te karinerine, n aki karongoaa. …
…Te kananokawaki, tiaki ni kabane aika a na teimatoa n nene aia tangira iroun te Tia Kamaiu ao aia nanomatoa ni kawakin Ana tua. …
Ngaira naba ti kona ni kamawaira man te itabaraaraa ao ni kakabwaiai maiuia tabeman ngkai ti aki kaokoroira ao n aki reitaki ma aomata tabeman. …
Ti na tangiria ao n tangiriira imarenara. Ti bia riki bwa taan raoi, bwa ti aonga n aranaki bwa “natin te Atua.”