“Nanora A Namakinii ni Kabane,” Ibukin Kakorakoraia Kairake, Meei 2022.
Te Tetere ni Bwakantain te Tabati
Nanora A Namakinii Ni Kabane
Te Rongorongo ae Kaeweaki
N riki bwa ana reirei Iesu Kristo bon tiaki tii teuana mai ibuakon te bwai ae ti karaoi. Te Tia Kamaiu boni ngaia te korakora ni kaungaan nanora ni bwaai nako aika ti karaoi. …
Ao ai tera aron tabera ma tibwangara aika a bati inanon maiura? . …
“Bwa Tamami are i Karawa e atai bwaai aika kam kainnanoi ni kabane.
“Ma ukoukora moa uean te Atua ma ana raoiroi ao a na bane n raonaki bwai ni kabane” [3 Nibwaai 13:32–33; taraa naba Mataio 6:32–33].
Ma tiaki nanona bwa e nang bebete. E na bon kainnanoa te karea ao te angabwai.
E na iai mwakuri aika a riai n toki ao iai naba bwaai aika a riai n rikirake.
… Te karea bon kaakan te bwai teuana ao e oneaki mwina n te bwai ae kakaawaki riki. …
Te angabwai bon iai teuana okorona man te anga karea. Ngkana ti angabwai, ti aki kabuoka te karea iaon te bao ni karea. Ma, ti anga bwa e na kabonganaaki ni katoamauaa ana mwakuri te Uea. Ti anga nako Ina ibukin Ana mwakuri aika tabu. …
Ngkana ti tirobaea maiura ao n noori ara mwakuri aika a bati, ti namakinna bwa ti aikoa konai uotara. Ma ngkana ti teuana tibwangara—tangiran ao te beku ibukin te Atua ma Natina, ni kawai aika a bati—ngkanne ti na karaoi baikanne ma te kukurei.
Aio nanon arora n anga nanora ni kabane—katukan bwaai aika a tineira ao kabanean ara bwai nakon te Uea ao Ana mwakuri.