“Karaoa ae te Kabanea ni Kakawaki” Ibukin Kakorakoraia Kairake, Meei 2022.
Te Tetere ibukiia Aine
Karaoa ae te Kabanea Ni Kakawaki
Te Rongorongo ae Kaeweaki
Te riki bwa ana reirei Iesu Kristo e kainnanoa ae raka riki nakon ae tii te kantaninga ke kakoauaakina. E kainnanoa te kekeiaki, te kakamwakuri, ao te kakaonimaki. E kainnanoa ae e na iai te bwai ae ti na karaoia. …
N ara kekeiaki ni karaoai bwaai, ke waaki tabeua ti na bae n titirakiniira, “Tera ae kakawaki riki?” …
-
Mwaitira ae “tangiraki” ae ti na karekea n ara katokatoka n te intanete? Ke mwaitira tangirakira ma kakawakira iroun Tamara ae i Karawa?
-
Bwainakin kunikai ake a tibwa otinako? Ke kaotan ara karinerine nakon rabwatara man bwainakin kunnikai aika a riai?
-
Kunean kaekaan ara titiraki rinanon te intanete? Ke karekean te kaeka mai iroun te Atua rinanon te Tamnei ae Raoiroi?
-
Tangiran ae mwaiti riki? Ke ti rauaki ma are ti a tia n anganaki? …
Ana euangkerio Iesu Kristo bon te euangkerio ae kakammwakuri ao te euangkerio ni kimwareirei! Ti na aki kamwiinibaea ara konabwai ni karaoan bwaai aika a kakawaki riki. Kaubwaira ae mairoun te Atua e anganiira te ninikoria ao bon onimakinara ni karaoa ao n riki nakon are e ataia Tamara are i Karawa bwa ti kona n riki nako iai. …
… Tiaki taekan karaoan ae mwaiti riki. Bon taekan karaoan ae e kakawaki. Bon maiuakinan ana reirei Kristo inanon maiura ngkai ti kekeiaki mwaaka n riki n Aekakina. …
Ngkai ti kabotoi maiura iaon Iesu Kristo, ti na kairaki ni karaoa ae bongana riki. Ao ti na kakabwaiaaki ma te korakora ni maiura n tamnei, te nanoraoi ao te kimwareirei!