“Rikim Mai Iroun te Atua ao Tokin Kawaim ae Akea Tokina,” Ibukin Kakorakoraia Kairake, Meei 2022.
Te Tetere ibukiia Aine
Rikim Mai Iroun te Atua ao Tokin Kawaim ae Akea Tokina
Te Rongorongo ae Kaeweaki
Te koaua ae moan te korakora are e reiakinaki n aia botoniango Ataeinnaine e bon kakawaki ibukiia ataeinnaine, ma e bon kaineti nakoia aomata ni kabane. …
…Te moan, bon ngkoe te nati te aine ae tangiraki. Akea te bwai ae ko karaoia—ke ko aki karaoia—ae e na bita anne. Te Atua e tangiriko. …
Te kauoua ni koaua bwa bon iai ara karo i karawa, te tama ao te tina. …
Te kateniua ni koaua n te mwakoro ni kaukuuki n aia boto ni iango Ataeinnaine bwa bon iai “rikira mai i karawa.” Aio bon te mwakoro ae kakawaki bwa antai raoi ngaira. Bon te “riki n te maiu n tamnei,” ae reke mairouia ara karo ake i karawa. …
Te kaaua ni koaua bwa bon iai “tokin kawaira ae akea tokina.” …
… Ti inaomata n rinerine, ma ti aki kona n rinea te bwai ae e na riki imwiin aki irakin te kawai are e kaotaki. …
Ngkana ti raira nanora ma te nano ni koaua, akea te maneka n tamnei ae e na tiku, n aki tabe bwa tera ae ti a tia ni karaoia, aekakira aron kaakaiakina, ke mwaitira te tai ae ti aki toki iai ni kakaraoia. Ni mwaitin te tai ae ti rairi nanora iai ao n ukora kabwaraan ara bure ma nanora ni koaua, a kona ni kabwaraaki ara bure. …
… Te korakora e roko rinanon te onimaki iroun Iesu Kristo ao man karaoan berita aika tabu.
… Ngkai ti kawakin ara berita, ti karekea mwaakan te Atua inanon maiura.
… Tamara are i Karawa e tangiriko bwa ko na riki bwa te Tia Bwaibwai Irouna ao ni karekei Ana bwai ni kabane. E aki kona n anganiko riki are iaona. E aki kona ni beritaniko riki n are iaona. E tangiriko riki nakon ae ko ataia ao bwa ko na kukurei n te maiu aei ao n te maiu are e na roko.