“Kristo E Kamarurunga are E Uruaki,” Ibukin Kakorakoraia Kairake, Meei 2022.
Te Tetere ni Moaningabongin te Tabati
Kristo E Kamarurunga are E Uruaki
Te Rongorongo ae Kaeweaki
Tamnei iroun Mark Mabry
Ti kona n reiakina ae mwaiti man booki aika tabu ibukin ara Tia Kamaiu, Iesu Kristo, ni buokiira n tokanikai ni borauakin baike a uruaki inanon maiura, n aki tabe ma ara ririki. …
Ngke e anga reirei te Tia Kamaiu inanon te tembora, e uotaki te aine Nakoina irouia taan koroboki ao Baritaio. Tiaki raoi ataa bwaninin rongorongon neienne, ma e tii “kuneaki ni wene ni bure” [Ioane 8:4]. …
Ana kaeka Kristo nakon natin te Atua te aine ae onoti aio bon “Ao ngai I aki motika naba bukim: nako, ao tai manga bure” [Ioane 8:11]. Taekana riki teuana “nako, ao tai manga bure” e kona n ae “waaki nako ao bitaki.” E kaoaki iroun te Tia Kamaiu bwa e na rairananona. …
E reireiniira te Uea bwa kabwaraan aia bure tabeman bon te tua ae tabangaki: “Ngai, te Uea, N na kabwara ana bure ane I taku bwa N na kabwara, ma ngkami kam riai ni kabwarai aia bure aomata ni kabane” [Reirei ao Berita aika Tabu 64:10]. …
Angiin te tai ti konaa n kunea ni maiura, n aron te mwauku ae bubuti imataroan oon te tembora, n taotaonaki n nano—ke n tabetai e bua ana tataona n nano—“[kakantaningaa] te Uea” [Itaia 40:31]. …
Kamwakuran te onimaki iroun Kristo nanona tiaki ti te onimaki n ana taeka te Atua ma n Ana tai naba. E ataia bwa tera ae ti kainnanoia ao n ningai ae ti kainnanoia iai. …
.…I kakoauaa bwa akea te bwai inanon maium ae uruaki are e riaon kamaoana, ana kamaiu, ana kabomwi, ao mwaakan Iesu Kristo.