“Ngaira Bon Ana Ekaretia Iesu Kristo ibukiia Aika Itiaki ni Boong aika Kaitira,” Ibukin Kakorakoraia Kairake, Meei 2022.
Te Tetere ni Moaningabongin te Kaonobong
Ngaira Ana Ekaretia Iesu Kristo ibukiia Aika Itiaki ni Boong aika Kaitira
Te Rongorongo ae Kaeweaki
Imwiin reken te kakao n “nakomai ao nooria” [Ioane 1:46], I kaea te taromauri n Ana Ekaretia Iesu Kristo ibukiia Aika Itiaki ni Boong aika Kaitira te moan tai ngke 26 au ririki. I a bon tibwa maenako ma moan kainnabau. Iai natiu te mwaane ae teniua ana ririki. Ao I namakina ae akea korakorau ao I maaku. Ngke I rin n te kateitei, e onrake nanou n te namakin ae tamaroa ngke I nora aia onimaki ma kukureia aomata ake irarikiu. …
Raou aika taan iriira Kristo, ti na aki kamwiinibaea te mwakuri ae kamimi are e karaoia te Uea rinanora, Ana Ekaretia, n aki tarai kairuara. N tabetai ti riki bwa taan anganga ao n tabetai ti riki bwa taan butimwaai, ma ngaira ni kabane bon ti teuana n utu iroun Kristo. …
…Te Ekaretia e riaon riki taian kateitei ao aron teia ma baireaia taan kairiiri; te Ekaretia bon ngaira, kaaina ni kabane. Ngaira bon Ana Ekaretia Iesu Kristo ibukiia Aika Itiaki ni Boong aika Kaitira, ma Kristo mai i moa ao te burabeti bwa Ana tia taetae. …
Ara kaantaninga n Abanueana bon karokoara ngaira aikai nakon Kristo. …
Mairoun te ataeinimwaane ae uarereke are e kabwakaa ana kabwianibwai ma te onimaki, nakon te tina ae akea buuna are e kainnanoa ana akoi ae kororaoi te Uea, nakon te karo ae keiaki ni katauraoi ibukiia ana utu, nakoia ara bakatibu ake a kainnanoa te otenanti ni kamaeuaki ao ni karietataaki, nakoira n tatabemaniira ake ti kaboui ara berita aika a tabu ma te Atua ni katoa wiiki, ti kainnanoira i bon iroura, ao ti konaa ni karokoira n tatabemanira nakon ana kamaiu te Tia Kamaiu are bon te tia kabooi maiura.