“Ara Reitaki ma te Atua,” Ibukin Kakorakoraia Kairake, Meei. 2022.
Te Tetere ni Moaningabongin te Tabati
Ara Reitaki ma te Atua
Te Rongorongo ae Kaeweaki
Ti riai n aki iangoa ana tua te Atua bwa kanga te mitiin ni mwane ike ti (1) rinea te kakabwai ae ti tangiria, (2) ni karin mwaitin mwakuri aika a raraoi inanona, ao (3) e a kanakoaki naba te ota. …
Ara rairannano ao ongotaeka, ara anganano, ara mwakuri aika a raraoi a bon kakawaki. Ti tangiria ni memena ibuakoia ake a mwaneweaki iroun Ita ae “aki toki ni karaoi mwakuri aika a raraoi” [Ita 12:4]. Ma e aki rangi n tau man mwaitin are e a tia ni koreaki ni bokin karawa. A kakawaki bwaai aikai ibukina bwa a kairekerekeira ma ana mwakuri te Atua ao bon ngaia angara n reitaki iai ma Ngaia n arora ni bitiira man te aro n aomata nakoia aika itiaki. Te bwai ae E anganiira Tamara are i Karawa bon Ngaia ao Natina, te reitaki ae kaan ao n teimatoa ma Ngaiia rinanon te akoi ao ana mwakuri n tei ibukira Iesu Kristo, ara Tia Kabooira.
… Tamara are i Karawa E kukurei ni kairiira iaon kawain Ana Berita inanon touan mwaneka ake a tia ni baireaki ibukin kainnanora ao ni katauaki n Ana babaire bwa ti aonga ni kukurei ma Ngaia. …
Ma, e aki rangi ni bebete touan te kawai aei iroura ni kabane. E rangi ni mwaiti bwaai aika ana raumeaaki bwa e aonga ni bebete. …
Ngaia are ngkana ko mena inanon ana ai te tia kaitiaki, irarikin ae ko na un iroun te Atua, kaniiko nakon te Atua. Wetea te Tama n aran te Nati. Nakonako ma Tamneiia, ni katoabong. Anganiia aia tai bwa a na kaota Aia kakaonimaki nakoim. Kataia ni Kinaiia raoi ao ni kinako raoi naba. Kariaia te Atua Bwa Boton Ara Iango Inanon Maiura.