“Te Tangira ae Mairoun te Atua n ana Baire te Tama,” Ibukin Kakorakoraia Kairake, Meei 2022.
Te Tetere ni Bwakantain te Tabati
Te Tangira ae Mairoun te Atua n ana Baire te Tama
Te Rongorongo ae Kaeweaki
N te Ekaretia ae kaokaki ana Ekaretia Iesu Kristo ibukiia Aika Itiaki ni Boong aika Kaitira, iai otara ae onoti ibukin ana babaire Tamara are i Karawa. Aei e anganiira te kawai ae kaokoro n taraakin oin bukin rokora n te maiu ae mamate, ao te motikitaeka are imwiina, ao tokin kawaia ae mimitong natin te Atua ni kabane. …
… Te reirei are e kaotaki n ana Ekaretia Iesu Kristo ae kaokaki e reireia bwa natin te Atua ni kabane—ma aika tianaki n aki kairaki ikai—n tokin te tai ao a na mena n te abanuea ae mimitong. …
… Te kabanea n rietaata ibuakon aikai bon te karietataaki n te aba n uea are te tiretio, ike ti na kona n riki n aron Tamara ao Natina, Iesu Kristo. …
… Ana mition te Ekaretia ae kaokaki bwa e na buokiia natin te Atua bwa aonga n tau ibukin tokin kawaia are e tangiria te Atua. …
Ae kakawaki iroura bon ana kaotioti te Atua bwa e kona n reke te karietataaki rinanon te kakaonimaki nakon berita aika tabu n te mare ae akea tokina imarenan te mwaane ao te aine. Te reirei ae mairoun te Atua anne bon ngaia bukin ae ti reiakinna ae “rikin te aomata ae te mwaane ke te aine bon anne teira n te maiu are imwain aio, te maiu aei, ao ni kinakira ae akea tokina ao te kantaninga iai” [“Te Utu: Te Katanoata nakon te Aonaaba” ChurchofJesusChrist.org]. …
. … Ti kamatoa bwa te katanoata n te utu, e kateaki iaon te reirei ae nene ni matoa, e kamatata te aekaki ni itoman n te utu ike e riki iai te mwakoro ae moan te kakawaki n rikirakera ae akea tokina. …
… Ti riai n ukeria n tibwauai koaua aika akea tokiia aikai ma tabeman. Ma n ara tangira are ti bae iai nakoia kaain rarikira ni kabane, ti na butimwaea aia baire n taainako. N aron ana reirei te burabeti man Ana Boki Moomon, ti riai ni waaki nako, ni karekea “tangiran te Atua ma aomata ni kabane” [2 Nibwaai 31:20].