“Karimoan ana Kantaninga te Atua nakon Nanora,” Ibukin Kakorakoraia Kairake, Meei. 2022.
Te Tetere ni Bwakantain te Kaonobong
Karimoan Ana Kantaninga te Atua nakon Nanora
Te Rongorongo ae Kaeweaki
N au tai ni beku inanon maiu ao taneiai n tamnei, I a matata raoi bwa te rairaki ni koaua bon mwiin butimwaean ana kantaninga te Atua, ao ti kona ni kairaki n ara mwakuri iroun te Tamnei ae Raoiroi. …
… Baikara tibwanga aika roko man te rairaki? …
Te Tia Kamaiu e karaua raoi ni kaoira bwa tina riki bwa Bwanaana ao Baina. Ana tangira te Tia Kamaiu e na riki bwa tauran kawaira. Te Tia Kamaiu e reireiniia Ana reirei, “Kam na nako, ni kakiritianiia botanaomata ni kabaneia” [Mataio 28:19]. Ao nakon Iotebwa Timiti, E katanoata, “Tataekina au euangkerio nakoia aomata nako ake a tuai karekea” [Reirei ao Berita aika Tabu 112:28]. …
Ibukin ana mwioko te Tia Kamaiu n tibwa te euangkerio n riki bwa mwakorora are tina riki inanona, ti riai n rairaki nakon ana kantaninga te Atua; ti riai n tangiriia kain rarikira, tibwa ana euangkerio Iesu Kristo are e kaokaki, ao ni kaoia ni kabane bwa a na roko ao n nooria. …
Rairakira e raonaki ma te tibwanga n tataekina ana euangkerio Iesu Kristo nakon te aonaaba.
Te kakabwaia n tibwauan te euangkerio e raonaki n rikiraken rairakira nakon ana kantaninga te Atua ao ni kariaia te Atua bwa boton ara iango inanon maiura. Ti kakabwaiaia aomata ni karekea te “bitaki ae korakora” n te nano” [Aramwa 5:14]. Iai te kimwareirei ni koaua ae akea tokina ni buoka uotakiia aomata nakon Kristo. Te beku ibukin rairakin temanna ao aomata tabeman bon te tibwanga ae rine.