“Kamimiin Kristo ma Ana Euangkerio,” Ibukin Kakorakoraia Te Roronrikirake, Meei 2022.
Te Tetere ni Bwakantain te Tabati
Kamimiin Kristo ma Ana Euangkerio
Te Rongorongo ae Kaeweaki
I tabe n iangoia bwa mwaitira te mimi n tamnei, eng, ae ti kona ao n riai n namakinna ibukin Ana euangkerio Iesu Kristo ao te bitaki are e na uotia ni karikiira bwa a na reirei ni mwanangara nakon te maiu ae akea tokina. …
… Aan ara waaki inanon maiura, ni koauana, bon uoua tuua aika a korakora: n tangira te Uea ae Atuara ao n tangiraia kaain rarikira n ai arora. …
.…Ngaia are, ngkana ti rineia ma te koaua bwa ti na anga nanora ni kabane nako Ina ao n reirei man Ana katooto, e na rikirake Kinaakina iroura. E rikirake ungan nanora ao ara kantaninga n ira te kainibaire are ti bon riai ni maiuakinna, te banna ae ti riai ni kaotia, ao tuua aika ti riai n irii. …
Raou aika tangiraki, bwaai aikai ni kabane a kakorakorai nanora n te euangkerio ao ni kaungaira nakon kawakinan ara berita ma te Uea—riki inanon taai ni kataaki ao kakaewenako aika ti kaitara ma ngaai. …
…I tataro bwa ti na kateimatoa te nano ni mimi iroun Iesu Kristo ao Ana tangira ae bwanin, akea tiana, ao te tangira ae kororaoi. Ke e riki uringan baike a noori matara ao n namakin nanora bwa kakorakoraan te nano ni mimi n ana kamaiu te Tia Kamaiu, are e kamaoi ikoakira n tamnei ao ikoakin ara iango ao ni kaanira ma Ngaia.