“Te Aki Kamwaingaki inanon te Buaka,” Ibukin Kakorakoraia Kairake , Meei 2022.
Te Tetere ni Moaningabongin te Kaonobong
Te Aki Kamwaingaki inanon te Buaka
Te Rongorongo ae Kaeweaki
Ngaira ake iai ara tabeaianga ibukira ao ibukiia ake ti tangiriia, iai te kantaninga inanon te berita are e karaoia te Atua ibukin te tabo ae mano man taian kangaanga aika imwaaira. …
Ana taeka ni burabeti te Uea Beniamina a bon kaineti nakoira inanon ara bong. …
E kaoiia ana aomata ao ngaira bwa ti na kateitei iaon te bwaa ae matoa mani mano, are bon te Tia Kamaiu. E anganiira te mataata bwa ti inanomata n rinerine imarenan te raoiroi ao te buakaka ao ti aki kona n totokoi mwiin ara rinerine. …
Aroarora a na bitaki n riki bwa te teei ae uarereke, te ongeaaba nakon te Atua ao te tatangira riki. Te bitaki anne e na karikiira bwa ti na tau ni kukurei n te bwaintangira are e roko rinanon te Tamnei ae Raoiroi. Karekean raoraonakira iroun te Tamnei e na anganiira te kabebeteaki, te kairi, ao kakorakorakira. …
Ngkana e roko te kangaanga inanon te maiu, ko kona n onimaki ibukina bwa ko bon tei iaon bwaan am onimaki iroun Iesu Kristo. Te onimaki anne e na kairiko nakon te rairannano ni katoa bong ao n teimatoa ni kawakin berita ae tabu. Ngkanne ko na Ururingnga n taainako. Ao rinanon kangaanga n te kairiribai ao te buakaka, ko na namakina te rau ao te kantaninga. …
… N ai aron te teei ae nanorinano ao n tatangira, e butimwaea Ana ibuobuoki. Karaoi ao kawakin berita aika tabu ake E anga n Ana Ekaretia Iesu Kristo Ibukiia Aika Itiaki ni Boong aika Kaitira. A na kakorakorako. Te Tia Kamaiu e atai angibuaka ao taabo aika mano iaon kawaira n oki Nakoina ao nakon Tamara are i Karawa. E ataa te kawai. Bon ngaia te Kawai.