“Ngkai Bon te Tai,” Ibukin Kakorakoraia Kairake, Meei 2022.
Te Tetere ni Bwakantain te Tabati
Ngkai Bon te Tai
Te Rongorongo ae Kaeweaki
Ti aki kona n atai kanoan boong aika a na roko. E bibitaki tein kanoan te bong. Birin kaubwain te aba e kaangaanga ataakina. Kabuanibwai aika a karina man tauan kanoan boong ke aomata, kabuanibwai, ao te aoraki a kona ni bita te maiu n te tai ae waekoa. Mwakuri aikai a riaon ara konaa ni bairei aroia. “Ma iai bwaai aika ti kona n tiatiani,” e taku, “n raonaki ma aron kabonganaakin ara tai ni katoa bong. …
Eng, ti riai n reiakinaki man kanoan taai aika a nako, ao eng, ti riai ni katauraoi ibukin taai aika a na roko. Ma ti ngkai ae ti kona iai ni karaoia. Ngkai bon te tai ae ti kona n reiakinaki iai. Ngkai bon te tai ae ti na kona n rairinanora iai. Ngkai bon te tai ae ti na kona ni kakabwaiaiia aomata tabeman ao “ni kakorakorai bai aika bwaka” [Ebera 12:12]. …
… I kaokioka au kaumaki nakoimi n te ingabong aei ni karaoi baike a na karikirakea tamaroam n te maiu n tamnei, n aron are e a tia n marooro iaona Dieter F. Uchtdorf , are e na kateimatoako ni waakirake rinanon kangaanga ao taai ni kakabwaia aika a nang kaoti.
Tamaroan maiun tamneira e rikirake ngkana ti nebonebo n te tembora ao ni karikirakei ara atatai n abakin ao nanon te kakabwaia aika ti karekei n te tembora. I butingkami bwa kam na kaitarai kawain te aonaaba man kabotoi nanomi iaon kakabwaia aika akea tokina n te tembora. …
I tangiri ngkami, tariu ao mwaaneu. Ma ae kakawaki riki, te Uea e tangiriko. Bon ngaia am Tia Kamaiu ao te tia Kabooira. E kaira ao n tararua Ana Ekaretia. Ti bia riki bwa aomata aika a tau iroun te Uea, are e taku, “Kam na riki bwa au aomata, ao N na riki bwa Atuami” [Ieremia 30:22].