Na Cava e Dina?
Veitikina lavetaki
Mai na noda koniferedi ni Epereli sa oti, eda vakadinata kina e vuqa na yavavala e vuravura, mai na kavoro ni yalo ki na sautu.
Eda marautaka na veitukutuku ni koniferedi lelevu ni itabagone e vakayacori e vuravura raraba. …
Eda rekitaka ni vuqa na valetabu era sa tara tiko e vuravura raraba. …
Na veivakacacani e oka kina na veivakauqeti ni vunimeca. Oqo e ivalavala ca levu.
Na vunica e tiko na nona ivadi ni veivakasagai. Dua vei ira oya nona saga me vakabuwawataka na ilati ni ka dina kei na ka e sega ni dina. Na veiluvuci mai ni itukutuku sa tu oqo e ligada, e tukuni kina, ni sa dredre cake tikoga me kilai na ka e dina. …
… Eso era kaya meda vakabauta ni dina sa isema ga—ni tamata yadua me lewa ga vakaikoya na ka e dina. Na vakabauta vakaoqo sa nodra vakanananu walega era nanuma ni ra na sega ni saumi taro vua na Kalou.
Taciqu kei na ganequ lomani, na Kalou sa ivurevure ni vei dina taucoko. Na Lotu i Jisu Karisito ni Yalododonu Edaidai sa ciqoma na dina taucoko e tukuna na Kalou vei ira na Luvena, e vulici ena volau ni vakadidike se ciqomi ena ivakatakila e solia ga mai o Koya.
Mai na tevali oqo nikua kei na mataka ena tomani tiko kina nomu rogoca na dina. Yalovinaka ni vola na vakasama e uqeti kemuni kei na kena o ni vakasamataka ka tiko e yalomuni. Kerea ena masumasu vua na Turaga me vakadeitaka ni veika o rogoca sa dina.