“Mo Tokara na Nomuni Kaukauwa, Saioni—Veitikina lavetaki,” Me iSakisaki ni iTabagone, Nove. 2022.
Mo Tokara na Nomu Qaqa, Saioni
Tikina lavetaki
Au sa masu vagumatua me vakararamataki keda yadua na Yalo Tabu ni da raica eke na bibi ni vosa vakatautauvata ni kana magiti ni vakamau vakatui. …
Ni sa curu mai na tui ki na olo ni vakamau, a vakaraici ira na vulagi sa tiko ka raica sara ni dua a sega ni dara tiko na isulu ni vakawati. Sa qai kau mai na tamata oqo, ka taroga na tui: “Noqu itau, e vakaevei ni ko sa curu mai ki ke ni sa sega vei iko na isulu ni vakawati? Sa sega ni vosa rawa” [Maciu 22:12]. …
E sega ni vinakata na turaga oqo me daramaka na qameni ni vakawati me ivakaraitaki ni sega ni veidokai vei rau ruarua na tui kei na luvena tagane. A sega walega ni sega na nona isulu ni vakamau, ia a lewa ga me kua ni dara e dua. … Na lewa ni tui a totolo ka dodonu sara: “Dou vesuka, a yavana kei na ligana, ka kauti koya tani, ka biuta ki na butobuto e tautuba, ena dau tagi kina ka vakasequruquru bati.”[Maciu 22:13].
Na nona a vakaisulu vaka ca e tukuna tiko ni yalona sa saqata tiko na tui kei na nona ivakaro.
A tini na vosa vakatautauvata ena ivolanikalou titobu oqo, “Ni ra sa lewevuqa era sa kacivi ka lewe lailai era sa digitaki.”[Maciu 22:14].
Na Kalou e sega vua na yacadra era taleitaki meda sa nuinui kina me tiko kina na yacada. E sega ni yalana o Koya era “sa digitaki” me lewe vica ga. Ia, na yaloda, na noda gagadre, noda doka na veiyalayalati kei na cakacaka vakalotu tabu, noda talairawarawa ki na ivakaro, ka vakabibi, na loloma veivueti ni iVakabula sa vakadeitaka noda na wili meda dua vei ira sa digitaka na Kalou.
Ni da vakasaqara vakadodonu na isolisoli vakayalo ni mata me raica kei na daliga me rogoca, au yalataka ni da na kalougata ena igu kei na lewa me qaqaco noda isema ni veiyalayalati vua na Turaga. Eda na ciqoma talega na kaukauwa ni bula va-Kalou ena noda bula-ka yaco meda kacivi ka digitaki talega kina kana magiti ni Turaga.