“Raici Vakalevu Cake o Jisu Karisito ena Noda Bula—Veitikina lavetaki,” Me iSakisaki ni iTabagone, Nove. 2022.
Raici Jisu Karisito Vakalevu Tu ena Noda Bula
Veitikina lavetaki
Me vukea noda tudei tiko ka mua yani kina salatu dodonu, sa sureti keda na iVakabula meda raica noda bula ki Vua meda raici Koya vakalevu cake ena noda bula.
Me vaka e dua na dau muria na kosipeli, au sotava e vuqa era raica ka vakadinata na veisau ni noqu itovo, vakarau, kei na digidigi niu sa lewena na Lotu. …
Ena sasaga qaqaco me rai yani ka vakasaqarai Jisu Karisito ena noqu vakasama kei na ivalavala kece, sa rarama sara na mataqu, ka matata noqu kila nio Jisu Karisito sa kacivi au tiko meu “lako yani” Vua.
Au kila kina, vakakina nikua, ni noda iVakabula, o Jisu Karisito, e dusimaka noda kalawa ivalenilotu ena veimacawa meda votai ena Nona sakaramede, kina vale ni Turaga meda cakava noda veiyalayalati Vua, kina ivolanikalou kei na nodra ivakavuvuli na parofita meda vulica na Nona vosa. E dusimaka na gusuda meda vakadinadinataki Koya, na ligada meda veilaveti ka veiqaravi me vaka Nona veilaveti kei na veiqaravi, na matada meda raici vuravura kei na tamata yadua me vakataki Koya—“ena kedra ituvaki dina, kei … na ituvaki ena qai yaco mai.” [Jekope 4:13]. Nida vakatara me dusimaki keda ena veika kece, eda na ciqoma na ivakadinadina ni “veika kece sa vakaraitaka ni dua na Kalou,”[Alama 30:44], baleta ni vanua ga eda vakasaqarai Koya kina eda na kunei Koya.