“Na Vunau ni Veikauwaitaki—Veitikina Lavetaki,” Me iSakisaki ni iTabagone, Nove. 2022.
Na Vunau ni Veikauwaitaki
Veitikina lavetaki
Au gadreva meu vosa me baleta na ka au vakatoka me vunau ni lewe tudei ni Lotu i Jisu Karisito ni Yalododonu Edaidai.
… Ni soli mai na madigi oqo, eda na sega ni vakatara na veivakaduiduitaki, veicacati vakayavusa, se veisei tale eso me tiko ena Lotu i Karisito edaidai. …
Na yalo mo taukeni sa ka bibi kina keda ituvaki vakayago, vakasama, ka vakayalo. Ia, sa yaco talega ena so na gauna eda rawa ni vakila yadua nida sega ni okati. …
Meda laiva ga na lewa me nona na Turaga kei ira sa lesia o Koya ka marautaka mo loloma ka veivukei vakai keda ena kena vinaka eda sa rawata.
Na ikarua ni usutu ni vunau mo lewe tudei oya me baleta tiko na noda dui cau. Dina ga nida sega tu ni vakasamataka, e vuqa na noda vakataukeitaki e lako mai ena noda veiqaravi kei na solibula eda cakava vei ira eso kei na Turaga.
Na iotioti ni usutu ka bibi duadua ni vunau mo okati oya na uto ni ilesilesi i Jisu Karisito. Eda sega walega ni lewena na Lotu meda mai veivakacokotaki, e dina ni ka bibi qo. Eda mai lewena meda mai vueti ena yalovinaka kei na loloma i Jisu Karisito. Eda mai lewena meda vakadeitaka na cakacaka vakalotu ni veivakabulai kei na noda bula vakacerecerei kei ira eda lomana ena yasa ruarua ni ilati. Eda lewena meda vakaitavi ena cakacaka levu meda tauyavutaki Saioni me vakavakarau kina lesu mai ni Turaga.