“Mo Dina Vua na Kalou kei na Nona Cakacaka—Veitikina lavetaki,” Me iSakisaki ni iTabagone, Nove. 2022.
Dina Tu Vua na Kalou kei na Nona Cakacaka
Uruguay
Dua na ivakaraitaki momona duadua ena ivolanikalou e baleta na qarai ni ivakadinadina ni cakacaka ni Kalou kei Jisu Karisito e tukuni tu ena vakasala i Alama ki na tolu na luvena—Ilamani, Sipiloni, kei Korianitoni.
Na matai ni kauwai i Alama, oya me tiko vei ratou yadua na ivakadinadina i Jisu Karisito ka dinata na Kalou kei na Nona cakacaka.
… A bula dodonu tu o Sipiloni me vakataki Ilamani na tuakana. Na vakasala au via vakadreta oya na Alama 38:12ka tukuna vakatikina, “Mo tarova talega na nomu gagano kecega, ia mo sinai sara ena loloma.“
E sega ni ca na yago—esa totoka ka bibi—ia eso na gagano, ke sega ni vakayagataki vakavinaka ka tarovi vakamatau, e rawa ni tawasei keda mai vua na Kalou kei na Nona cakacaka ka vakaseva tu na noda ivakadinadina.
Me ikuri ni kena qarauni na cudru kei na tarovi ni gagano tale eso, sa gadrevi me savavuka tu na noda bula ena qarauni ni noda vakanananu, vosavosa, kei na cakacaka. …
Baleta ni a coko o Korianitoni ena ivakarau tawadodonu, sa dodonu tu vei Alama me vakatavulici koya ena veivutuni. …
Na ivakasala qarauni i Alama oya na tarovi ni gagano, ia vei ira ka cakacala tu mera veivutuni. …
E sega e dua e lesu rawa vua na Kalou ena nona cakacaka vinaka ga vakataki koya; eda gadreva taucoko na yaga ni solibula ni iVakabula. Eda sa valavala ca taucoko, ia ena vuku duadua ga ni Veisorovaki i Jisu Karisito eda na rawata kina na loloma veivueti ka bula vata na Kalou.